പ്രതീക്ഷ പകരുന്ന സംസ്ഥാന ബജറ്റ്

വിപണിയിലെ ചൂഷണം തടയാൻ ഇടപെടൽ

- ഡോ. എസ്. മോഹനകുമാർ

രാജ്യത്തെ തൊഴിൽ സേനയുടെ 43 ശതമാനം പേരും പണിയെടുക്കുന്നത് കാർഷികമേഖലയിൽ. എന്നാൽ ദേശീയ വരുമാനത്തിൽനിന്നു ഈ മേഖലയ്ക്കു കിട്ടുന്നത് വെറും 17 ശതമാനം സംസ്ഥാനത്തെ തൊഴിൽസേനയിൽ 19 ശതമാനം മാത്രമേ കൃഷിയെ ആശ്രയിക്കുന്നുള്ളു. സംസ്ഥാന വരുമാനത്തിൽ നിന്നു കാർഷികമേഖലയ്ക്കു കിട്ടുന്നതു വെറും 9 ശതമാനവും. ജനസംഖ്യയുടെ 19 ശതമാനം പേർക്ക് സംസ്ഥാന വരുമാനത്തിന്റെ വെറും 9 ശതമാനം മാത്രം ലഭിക്കുന്നതും അസമത്വം തന്നെ. കാർഷികമേഖലയിൽ പണിയെടുക്കുന്നവർക്ക് ഇതര മേഖലകളിൽ ജോലി ചെയ്യുന്നവരുടെ പകുതി വരുമാനം മാത്രമേ ലഭിക്കുന്നുള്ളൂ എന്നും കണക്കുകൾ. ഈ പശ്ചാത്തലത്തിൽ വേണം ഈ വർഷത്തെ കേരളബജറ്റ് വിലയിരുത്താൻ.

കാർഷികമേഖലയിൽ

 കേരളം 2023-24 ലെ ബജറ്റിൽ കൃഷിക്കു വകയിരുത്തിയിട്ടുള്ളത് 371.71 കോടി രൂപയാണ്. ഇത് ആകെയുള്ള വാർഷിക ബജറ്റിന്റെ 6.41 ശത മാനം മാത്രം. സംസ്ഥാനത്തെ പ്രധാന വിളയായ റബർ10 വർഷത്തിലേറെയായി കടുത്ത പ്രതിസന്ധിയിലാണ്. കഴിഞ്ഞ ബജറ്റിൽ 500 കോടി രൂപയായിരുന്നു റബർ കർഷകരെ സഹായിക്കുന്നതിനുള്ള സബ്സിഡി. ഇത്തവണ ഇത് 600 കോടി രൂപയായി ഉയർത്തിയിട്ടുണ്ട്.