മൺസൂൺ സ്പെഷൽ

പാചകം

- തങ്കം

കായ അരിപ്പൊടി ബജി

ചേരുവകൾ

1. പച്ചമുളക് - ഒന്ന്, പൊടിയായി അരിഞ്ഞത് 
കറിവേപ്പില - 3 ഇല, അരിഞ്ഞത്
ഇഞ്ചി - ചെറിയ കഷണം, അരിഞ്ഞത്
ചുവന്നുള്ളി - 2, അരിഞ്ഞത്
കായം പൊടി - ഒരു നുള്ള്
അരിപ്പൊടി - 25 ഗ്രാം
ഉപ്പ് - പാകത്തിന്
വെള്ളം - മാവു തയാറാക്കാൻ
2. പച്ചക്കായ കനം കുറച്ചു നീളത്തിൽ അരിഞ്ഞത് - 15 സ്ലൈസ് 3. എണ്ണ - വറുക്കാൻ ആവശ്യത്തിന്

പാകം ചെയ്യുന്ന വിധം

ഒന്നാമത്തെ ചേരുവ യോജിപ്പിച്ചു മാവു തയാറാക്കുക. പച്ചക്കായ സ്ലൈസുകൾ തയാറാക്കിയ മാവിൽ മുക്കി ചൂടായ എണ്ണയിൽ കരുകരുപ്പായി വറുത്തു കോരണം.

കാന്താരി ചമ്മന്തിക്കൊപ്പം ചൂടോടെ വിളമ്പാം.