വെള്ളപ്പൂക്കളില്ലാതെ എന്ത് പൂന്തോട്ടം!

അഴകിലും സുഗന്ധത്തിലും മുന്നിൽ നിൽക്കുന്നു ഉദ്യാനറാണികളായ ഈ 8 വെള്ളപ്പൂക്കൾ

രണ്ട് സെന്റിലാണെങ്കിൽപ്പോലും മുറ്റത്ത് ചെറിയൊരു പൂന്തോട്ടമുണ്ടെങ്കിൽ അതുമതി വീടിനു പൂർണത കിട്ടാൻ. വെളുത്ത പൂക്കളാൽ മുറ്റവും കോർട് യാർഡുമൊക്കെ സമ്പന്നമാക്കുന്ന ചില ചെടികളെ പരിചയപ്പെടാം. ഇതിൽ മരങ്ങളുണ്ട്, വള്ളിച്ചെടികളും കുറ്റിച്ചെടികളുമുണ്ട്. വെള്ളപ്പൂക്കൾ മിക്കവയും രാത്രി വിരിയുന്നവയാണ്, നല്ല സുഗന്ധമുള്ളവയും. പൂന്തോട്ടത്തിൽ ഒഴിവാക്കാനാകില്ല ഈ ചെടികളെ.

മണിമുല്ല (Porana paniculata)

മുല്ലയുടെ കുടുംബത്തിൽപ്പെട്ടതല്ലെങ്കിലും പൂക്കളുടെ സുഗന്ധം കൊണ്ട് മുല്ലയെന്നു വിളിക്കുന്നതാണ് മണിമുല്ലയെ വള്ളി ച്ചെടിയിൽ കുലകളായി വെള്ളപ്പൂക്കളുണ്ടാകുന്ന ഈ ചെടി നവംബർ-ഡിസംബർ മാസങ്ങളിലാണ് കൂടുതൽ പൂക്കുക. പൂക്കൾ ഒരു മാസത്തോളം നിൽക്കുകയും ചെയ്യും. ഒരു ബാച്ച് കഴിഞ്ഞാൽ വീണ്ടും പൂക്കും. ടെറസിലേക്കോ കാർപോർച്ചിനു മുകളിലേക്കോ പടർത്തി വിട്ടാൽ ധാരാളം പൂക്കൾ കിട്ടും. നല്ല വെയിൽ നിർബന്ധമാണ്. ഒന്നോ രണ്ടോ മാസം കൂടുമ്പോൾ ജേവവളം ഇട്ടുകൊടുക്കുന്നതു നല്ലതാണ്.

മ്യൂസിക്കൽ നോട്സ് (Rotheca microphylla)

മ്യൂസിക്കൽ നോട്ട് കുറിച്ചുവച്ചതുപോലെയുള്ള മൊട്ടുകളും ഭംഗിയുള്ള വെള്ളപ്പൂക്കളുമാണ് ഈ ചെടിയുടെ ആകർഷണം. പണ്ടൊക്കെ നാട്ടിൻ പുറങ്ങളിൽ ധാരാളം കണ്ടിരുന്ന ഈ ചെടിയുടെ ഹൈബ്രിഡ് ഇനത്തിന് ഇപ്പോൾ ആരാധകർ ഏറെയാ ണ്. മരമായി വളരുമെങ്കിലും പ്രൂൺ ചെയ്ത് കുറ്റിച്ചെടിയാക്കി നിർത്തുന്നതാണ് ഭംഗി. കമ്പ് മുറിച്ചു നട്ട് വേരു പിടിപ്പിക്കാം. ചട്ടിയിൽ നടാമെങ്കിലും മണ്ണിൽ നേരിട്ടു നടുന്നതാണ് ചെടി നന്നായി വളരാനും പൂക്കാനും നല്ലത്. പിടിച്ചു കിട്ടിയാൽപ്പിന്നെ കാര്യമായ പരിചരണമൊന്നും വേണ്ട. രണ്ടോ മൂന്നോ മാസം കൂടുമ്പോൾ ജൈവവളം നൽകുന്നത് ചെടി ആരോഗ്യത്തോടെ നിൽക്കാൻ സഹായിക്കും.

ഈഴേച്ചെമ്പകം (Plumeria alba)