'ഫ്രീ'ക്ക് കൊടുക്കുന്നത് വലിയ വില

വളരെ മിടുക്കുള്ള ബുദ്ധിപരമായി ചിന്തിക്കുന്നവരെ കൊണ്ടുപോലും അബദ്ധ തീരുമാനങ്ങളെടുപ്പിക്കാൻ 'ഫ്രീ' എന്ന മാജിക് വാക്കിനു കഴിയും. അതു യുക്തിയെ തകിടം മറിച്ചുകളയുന്നു.

- സന്തോഷ് ശിശുപാൽ പോസിറ്റീവ് സൈക്കോളജിസ്റ്റ് [e-mail]

ഏറ്റവും ഫലപ്രദവുമായ കച്ചവടതന്ത്രങ്ങളിലൊന്നാണ് സൗജന്യം. “ബൈ വൺ ഗെറ്റ് വൺ ഓഫർ, ഫ്രീ ഷിപ്പിങ്, ഫ്രീ കൂപ്പണുകൾ, നിശ്ചിത തുകയ്ക്ക് സാധനം വാങ്ങിയാലുള്ള സൗജന്യങ്ങൾ തുടങ്ങി ഫ്രീ സാംപിളുകൾ വരെ നീളുന്ന ഫ്രീകളുടെ കാലമാണിത്. മനഃശാസ്ത്രപരമായി പറഞ്ഞാൽ സൗജന്യങ്ങളുടെ മുന്നിൽ നമ്മുടെ വൈകാരികതയിലും പെരുമാറ്റത്തിലും മാറ്റം വരുന്നു. ഇത് കൊണ്ടാണ് മാർക്കറ്റിങ്ങിലെ ഈ പഴയ ആശയത്തിന് ഇന്നും ഡിമാൻഡ് കുറയാത്തത്.

സിറോ പ്രൈസ് എഫക്ട്

വാങ്ങാനാഗ്രഹിക്കുന്ന സാധനത്തിന്റെ ധാരാളം ഓപ്ഷനുകൾ മുന്നിലുള്ളപ്പോൾ വിലയും ഗുണനിലവാരവും താരതമ്യം ചെയ്തായിരിക്കുമല്ലോ തിരഞ്ഞെടുക്കൽ. എന്നാൽ, സൗജന്യമായി കിട്ടുന്നവയുടെ (സീറോ പ്രസ്) കാര്യത്തിൽ ഗുണത്തോടോ പ്രയോജനത്തോടോ വില താരതമ്യപ്പെടുത്താനാവില്ല.