വിനാശകാലേ വരും അപ് മാർക്കറ്റ് പൂതി

നഗരത്തിലെ അമാർക്കറ്റ് ഏരിയയിലെ ഏഴെട്ട് സെന്റ് സ്ഥലം. അതു ലിസിനെടുത്ത് കോഫിഷോപ്പോ, റസ്റ്ററന്റോ എന്താണെന്നു പറയാൻ കഴിയാത്ത തരം ചായക്കടയോ തുടങ്ങുകയാണ് ഏതാനും യുവസംരംഭകർ.

നഗരങ്ങളിൽ അനേകം സ്ഥലങ്ങളുണ്ടെങ്കിലും "അപമാർക്കറ്റ് ഏരിയ എന്നറിയപ്പെടുന്ന ചില സ്ഥലങ്ങൾ കാണും. കൊച്ചിയിൽ പനമ്പിള്ളി, തിരുവനന്തപുരത്ത് കവടിയാർ കുറവൻകോണം, കോഴിക്കോട്ട് ബീച്ച് ഏരിയ എന്നിങ്ങനെ. ന്യൂജെൻ പിള്ളാർക്കെല്ലാം ഇവിടങ്ങളിൽ തന്നെ ബിസിനസ് തുടങ്ങുകയോ ഓഫിസ് ഇടുകയോ വേണം. അഡ്രസിന്റെ പൊങ്ങച്ചത്തിലാണു താൽപര്യം. അനേകം സംരംഭങ്ങൾ പൊട്ടിപ്പൊളിയുന്നതിനു കാരണം ഇതു മാത്രമാവുന്നു. കൂടിയ കുടുംബത്തിൽ സംബന്ധം' എന്ന ചൊല്ലുപോലെ ഏറ്റവും ഫാഷനേറിയ സ്ഥലത്തു കൂടിയ ചെലവിൽ ബിസിനസ് തുടങ്ങുന്നതു മിക്കവാറും കുത്തുപാളയെടുക്കാൻ കാരണമാവും.