ഓഹരി, സ്വർണം, റിയൽഎസ്റ്റേറ്റ് എവിടെയാണ് കൂടുതൽ ആദായം?

കഴിഞ്ഞ 20 വർഷത്തെ നിക്ഷേപ നേട്ടങ്ങളിലേക്ക് ഒരു എത്തിനോട്ടം.

- സുമ സണ്ണി

കുറച്ചു പണം നിക്ഷേപിക്കാൻ ഒരുങ്ങുമ്പോൾ തന്നെ ഓരോരുത്തർക്കുമുണ്ടാകും നൂറുകൂട്ടം ചോദ്യങ്ങൾ. എവിടെ നിക്ഷേപിച്ചാൽ സമ്പത്ത് വളർത്താം? എത്ര ആദായം ഓരോ നിക്ഷേപത്തിൽ നിന്നും ലഭിക്കും? ഏതൊക്കെ ആസ്തികളാണ് നല്ലത്? നിക്ഷേപം സുരക്ഷിതമായിരിക്കുമോ?

 എല്ലാവർക്കും ആദായം കൂടുതലുള്ള ആസ്തികളോടാണ് ഇഷ്ടം. ഓഹരി, സ്വർണം, ലിക്വിഡ് ഫണ്ട്, റിയൽ എസ്റ്റേറ്റ് എന്നിവ കഴിഞ്ഞ 20 വർഷങ്ങളിൽ എത്ര ആദായം നൽകി എന്ന് പട്ടികയിൽ കാണുക.

കൂടുതൽ നേട്ടം ഓഹരിയിലും ഫണ്ടിലും

ഓഹരികളും ഇക്വിറ്റി ഫണ്ടുകളും ഉയർന്ന ആദായം നൽകുന്ന കാര്യത്തിൽ മറ്റ് ആസ്തികളെക്കാൾ എന്നും ഒരുപടി മുന്നിലാണ്. അതിൽ തന്നെ ദീർഘകാലത്തിൽ നിക്ഷേപിക്കുന്നവർക്കും ചിട്ടയോടെ മാസാമാസം നിക്ഷേപിക്കുന്നവർക്കുമാണ് കൂടുതൽ നേട്ടം കൊയ്യാൻ സാധിക്കുന്നത്. മുൻകാലങ്ങളിൽ ബൂചിപ് ഓഹരികളും മ്യൂച്വൽ ഫണ്ടുകളുമാണ് കൂടുതൽ ആദായം നൽകിയതെങ്കിൽ ഇപ്പോൾ സ്മോൾ ക്യാപ് ഓഹരികളും ഫണ്ടുകളുമാണ് നിക്ഷേപകരുടെ കീശ വേഗത്തിൽ നിറയ്ക്കുന്നത്. പക്ഷേ, വിപണി ഇടിഞ്ഞാൽ ഏറ്റവും ആദ്യം ഇടിയുന്നതും ഈ സ്മോൾ ക്യാപ് ഫണ്ടുകൾ തന്നെയാണ് എന്നതു മറക്കരുത്. സ്മോൾ ക്യാപ് മ്യൂച്വൽ ഫണ്ടുകളാകട്ടെ 50% ത്തിനു മുകളിൽ വരെ ചില വർഷങ്ങളിൽ ആദായം നൽകിയിട്ടുണ്ട്.

ഇഷ്ടം സ്വർണത്തോട്

 ബഹുഭൂരിപക്ഷം ഇന്ത്യക്കാർക്കും എന്നും എപ്പോഴും ഏറ്റവും ഇഷ്ടമുള്ള ആസ്തി സ്വർണം തന്നെയാണ്. എന്നാൽ സ്വർണത്തിൽ നിന്നുള്ള ആദായം ഓരോ വർഷവും കൂടിയും കുറഞ്ഞും ഇരിക്കും.