പങ്കാളിത്തങ്ങളിലെ ചതിക്കുഴികൾ

മറ്റ് ആൾക്കാരുടെ നിയന്ത്രണത്തിലുള്ള ബിസിനസിൽ പണം മുടക്കിയാൽ ചിലപ്പോൾ ചിത്തപ്പേരും നഷ്ടവുമാവും ഫലം.

- പി.കിഷോർ

പണത്തിനു പഞ്ഞമില്ലാത്ത പ്രമുഖ മലയാളി വ്യവസായിയോട് ഓഹരിയെടുക്കണമെന്ന അഭ്യർഥനയുമായി നിരവധി സംരംഭകർ സമീപിക്കും. മിക്കവാറും ഓഹരി വെറുതേ എന്നായിരിക്കും വാഗ്ദാനം. അദ്ദേഹം ഇതെല്ലാം ഒഴിവാക്കുകയാണു പതിവ്. എങ്ങും കൈ കൊടുക്കില്ല.

പണം വാങ്ങി ഓഹരി കൊടുക്കാമെന്ന വാഗ്ദാനത്തിനു പിന്നിൽ അവർ അതുവരെ മുടക്കിയ കാശു മുഴുവൻ തിരിച്ചുപിടിക്കാനുള്ള ശ്രമമാവാം. വെറുതെ കൊടുക്കാമെന്ന വാഗ്ദാനം അദ്ദേഹത്തിന്റെ രാഷ്ട്രീയ-ഭരണ സ്വാധീനം മുതലാക്കാനാവാം.