കീശയിലൊതുങ്ങും യാത്രകൾ

അവധിക്കാല യാത്ര സ്പെഷൽ

- വി.കെ. ഷമീം

ഡൽഹി

ചരിത്രവും രാഷ്ട്രീയവുമെല്ലാം കെട്ടുപിണഞ്ഞുനിൽക്കുന്ന രാജ്യതലസ്ഥാനം. മുഗൾ സാമ്രാജ്യത്തിന്റെ ശേഷിപ്പുകൾ ഇന്നും തനിമയോടെ നിലകൊള്ളുന്നു. അതോടൊപ്പം രാജ്യത്തിന്റെ ഭരണസിരാ കേന്ദ്രങ്ങളും ഇവിടെ തലയുയർത്തി നിൽപുണ്ട്.

എങ്ങനെ പോകാം: കേരളത്തിൽനിന്ന് ദിവസവും നിരവധി ട്രെയിനുകളാണ് ഡൽഹിയിലേക്കുള്ളത്. എറണാകുളത്തുനിന്ന് 40 മുതൽ 47 മണിക്കൂറാണ് യാത്രാസമയം. ഏകദേശം 1000 രൂപയാണ് സ്ലീപ്പർ ടിക്കറ്റ് നിരക്ക്. 2500 രൂപ വരും തേർഡ് എ.സി നിരക്ക് 5000 രൂപ മുതൽ വിമാന ടിക്കറ്റും ലഭ്യമാണ്.

പ്രധാന കാഴ്ചകൾ: • ഇന്ത്യാഗേറ്റ് • ഖുതുബ് മിനാർ ചെങ്കോട്ട • ജമാമസ്ജിദ് • രാഷ്ട്രപതി ഭവൻ • രാജ്ഘട്ട് ചാന്ദ്നി ചൗക് ഹുമയൂണിന്റെ ശവകുടീരം

ആഗ്ര

ലോകാത്ഭുതമായ താജ്മഹലിന്റെ നാട്. വിവിധ വാസ്തുവിദ്യകൾ സമന്വയിക്കുന്ന ധാരാളം ചരിത്ര നിർമിതികളും ഇവിടെയുണ്ട്.

എങ്ങനെ പോകാം: കേരളത്തിൽ നിന്ന് ഡൽഹിയിലേക്കുള്ള പല ട്രെയിനുകൾക്കും ആഗ്രയിൽ സ്റ്റോപ്പുണ്ട്. എറണാകുളത്തുനിന്ന് 41 മുതൽ 45 മണിക്കൂർ വരെ സമയം വേണം. 900 രൂപക്ക് അടുത്താണ് സ്ലീപ്പർ ടിക്കറ്റ് നിരക്ക്. തേർഡ് എ.സിക്ക് ഏകദേശം 2300 രൂപ വരും. വിമാനത്തിലാണങ്കിൽ ഡൽഹിയിലേക്ക് പോകുന്നതാണ് ഉചിതം. അവിടെ നിന്ന് 240 കിലോ മീറ്റർ ദൂരമുണ്ട്. ധാരാളം ബസുകൾ ഡൽഹി- ആഗ്ര റൂട്ടിൽ സർവിസ് നടത്തുന്നു. നോൺ എ.സിക്ക് 300ഉം എ.സിക്ക് 500ഉം രൂപ മുതലാണ് ടിക്കറ്റ് നിരക്ക് ഈ റൂട്ടിൽ നിരവധി ട്രെയിനുകളും ലഭ്യമാണ്. 100 രൂപ മുതൽ ടിക്കറ്റ് ലഭിക്കും.

പ്രധാന കാഴ്ചകൾ: താജ്മഹൽ • ആഗ്ര ഫോർട്ട് ഫത്തേഹ്പുർ സിക്രി • അക്ബറിന്റെ ശവകുടീരം • ഇത്തിമാദുദ്ദൗളയുടെ ശവകുടീരം

ജയ്പുർ

 കൊട്ടാരങ്ങളുടെയും കോട്ടകളുടെ യും നാടാണ് രാജസ്ഥാന്റെ തലസ്ഥാ നമായ ജയ്പുർ. ആരെയും അമ്പരപ്പിക്കുന്ന നിർമിതികൾ പിങ്ക് സിറ്റിയെ വ്യത്യസ്തമാക്കുന്നു.