એનાલિસિસ.

સંસદીય લોકશાહીની પ્રતીતિ કરાવતું પ્રથમ સંસદ સત્ર

- સુધીર એસ. રાવલ

અઢારમી લોકસભા અસ્તિત્વમાં આવ્યા પછી સંસદનું પ્રથમ સત્ર શરૂ થયું છે. છેલ્લાં દસ વર્ષની તુલનામાં સત્તાપક્ષ અને વિપક્ષની શક્તિ વચ્ચેનું અંતર ઘટ્યું છે, તે સંજોગોમાં લોકસભા અને રાજ્યસભાની કાર્યવાહી, સંવાદ-વિવાદ, નિયમોનું મહત્ત્વ, વગેરે બાબતોમાં બહુ મોટો તફાવત જોવા મળે છે. સંસદમાં કાયદાના શાસનનું જોર વધી રહ્યું છે, તેનાં અનેક પ્રમાણો સાંપડી રહ્યાં છે. લોકશાહીની જીવંત તસવીરો જે દુર્લભ હતી તે દૃષ્ટિગોચર થવાલાગીછે.વિચારભેદ, મતભેદ, માન્યતાભેદ, ગમા-અણગમા કે પૂર્વગ્રહોને બાજુએ રાખીને વિચારનારના દિલને ટાઢક વળે તેવી અનેક પળો આ સપ્તાહમાં ભારતીય સંસદે દેશના કરોડો લોકશાહી પ્રેમીઓને ભેટ આપી છે. આનો પ્રથમ શ્રેય નવો જનાદેશ આપનારા મતદાતાઓને અને બીજો શ્રેય સૌ સાંસદોને જાય છે. આ વખતે નિયમો અનુસાર સંખ્યાબળની દૃષ્ટિએ વિપક્ષના નેતાનું પદ કોંગ્રેસને મળ્યું, જેની જવાબદારી રાહુલ ગાંધીએ સ્વીકારી છે.

લોકશાહીનું જીવંત દર્શન :