લડાખ મોરચે હજી બધું સબ સલામત નથી!

બે-સવા બે વર્ષથી ભારત અને ચીન વચ્ચેની વાસ્તવિક નિયંત્રણરેખા પર જામેલું ઘર્ષણ ઓછું થયું હોય તો પણ આ ગાળામાં ચીને કબજે કરેલા પ્રદેશમાંથી એના તમામ સૈનિકો પાછા ન હટે ત્યાં સુધી સ્થિતિ ભારેલા અગ્નિ જેવી જ રહેશે.

- હીરેન મહેતા

ચીન સાથેની લડાખ સરહદે તહેનાત ભારતીય જવાનો.

બે માંથી કોઈ દેશે દ્વિપક્ષી મંત્રણાના મામલે મગનું નામ મરી પાડ્યું નથી, પણ વડા પ્રધાન નરેન્દ્ર મોદી અને ચીનના પ્રમુખ સી જિનપિંગ આ સપ્તાહે ઉઝબેકિસ્તાનના સમરકંદમાં સામસામે આવશે ખરા. કોરોના મહામારીના અંતરાલ પછી બે વર્ષે શાંગહાઈ કો-ઑપરેશન ઑર્ગેનાઈઝેશનની બેઠક યોજાઈ રહી છે, એમાં મોદી-જિનપિંગ એકમેકને મળશે કે કેમ એ વિશે હજી શંકા છે.