નવ વર્ષ મેં કંઈ દીકરીનાં લગ્નની ઉંમર છે?

છોકરી શારીરિક અને માનસિક રીતે પરિપક્વ ન થાય ત્યાં સુધી કોઈ પણ સંબંધમાં ‘સલામત અંતર’ રાખવું હિતાવહ છે.

- ડૉ. મિતાલી સમોવા

આપણે ત્યાં પિડોફિલિયા-સૃષ્ટિ વિરુદ્ધનું કૃત્ય તો ગંભીર જાતીય શોષણ સગીર દીકરાનું થતું હોય. કમનસીબે દીકરીઓનાં થતાં શોષણને આપણે ત્યાં એટલી ગંભીરતાથી લેવામાં આવતાં નથી, ખાસ તો જો સામાજિક રિવાજના નામે થતાં બાળલગ્નની વાત હોય.

છોકરો કદાચ ગમે એટલી નાની ઉંમરે જાતીય સંબંધ બાંધતો થઈ જાય તો એને ખાસ ફરક પડતો નથી, પરંતુ સાવ નાની ઉંમરે લગ્ન-જાતીય સંબંધોબાળજન્મ એ છોકરી માટે જીવન-મૃત્યુનો પ્રશ્ન બની શકે છે. ઈતિહાસમાં કરોડો બાળપરિણીતાઓ-બળાત્કારપીડિતા ફક્ત એક વિકૃત પુરુષના દબાણપૂર્વક કરાયેલા સેક્સસંબંધ અને એને કારણે રહી ગયેલી ગર્ભાવસ્થાને કારણે કમોતે મરી ચૂકી છે અને કદાચ ભવિષ્યમાં પણ મરતી રહેશે.

થોડા સમય પહેલાં ઈરાક દેશમાં એક પ્રસ્તાવ રજૂ થયો છે. ત્યાં અત્યારે છોકરીઓની કાયદેસર લગ્નની ઉંમર ૧૫ વર્ષની છે, એ ઘટાડીને ફક્ત નવ વર્ષ કરી દેવામાં આવે એવો આ પ્રસ્તાવ છે. મહિલા-બાળકો-માનવાધિકાર જૂથોએ ઈરાકના આ પ્રસ્તાવનો આકરો વિરોધ કર્યો છે. એમ તો મોટા ભાગના મુસ્લિમ દેશોમાં દીકરીઓનાં લગ્નની કાયદેસર ઉંમર ૧૫-૧૬ વર્ષ જ છે, ઘણી જગ્યાએ બિનજરૂરી રિલેક્સેશન કરીને માતા-પિતાની મંજૂરી સાથે દીકરીનાં લગ્નની ઉંમર ૧૨ વર્ષ પણ છે, પરંતુ ફક્ત નવ વર્ષની ઉંમર તો હળાહળ અન્યાય અને બાળકી પર અત્યાચાર ગણાય.