மாவலி பதில்கள்

நடிகர் ரஜினிகாந்த் சமீபகாலமாக காவல்துறை சார்ந்த கதைக் களங்களையே தேர்வு செய்வது பற்றி? யாருக்குத் தெரியும், ரஜினிகாந்த் காவல்துறை சார்ந்த கதைகளைத் தேர்வு செய்கிறாரா, இல்லை இயக்குநர்கள் காவல்துறை கதைகளாகச் சொல்கிறார்களா? மொத்தத்தில் விருந்து காரசாரமாக இருந்தால் ரசித்துச் சாப்பிட்டுப் போகவேண்டியதுதான். 'கூலி'யில் லோகேஷ் கனகராஜ் என்ன கேரக்டர் கொடுக்கிறார் என பார்க்கலாம்!

- சி. கார்த்திகேயன்

பொய்கள் சேதாரம் இல்லாமல் தங்கத்தைப் போல மின்னுவதால்தான்... உண்மைக்கு ஆதாரம் எப்போதும் தேவைப்படுகிறது!

வண்ணை கணேசன், கொளத்தூர்

'மழை ஓயும்வரை மதுக்கடைகளை மூடவேண்டும்' என்று அன்புமணி வேண்டுகோள் விடுத்திருக்கிறாரே?

முற்றிலுமாக மதுக்கடைகளை மூடவேண்டு மென்று சொல்வதில் பொருளிருக்கிறது. அதென்ன மழை ஒயும்வரை மதுக்கடைகளை மூடுவது? மழை வெள்ளத் தொந்தரவோடு, குடிகாரக் கணவனை சமாளிக்கும் தொந்தரவையும் மனைவிகள் சந்திக்கூடாதென்ற நல்லெண்ணமாயிருக்கலாம்.

மா.சந்திரசேகர், மேட்டுமகாதானபுரம்

'கனவு நம்மைத் துரத்தவேண்டும்' என்கிறாரே சமுத்திரக்கனி?

'தூங்கும்போது வருவதல்ல கனவு, தூங்க விடாமல் செய்வதே கனவு' என்றார் அப்துல்கலாம்.

'லட்சியத்தை அடையும்வரை, கனவு உங்களை ஓரிடத்தில் இருக்கவிடாமல் துரத்திக்கொண்டே இருக்கவேண்டும்' என்கிறார் சமுத்திரக்கனி.

ஹிட்லர்களும், முசோலினிகளும் காணும் கனவு அவர்களைவிட, மற்றவர்களையே நாடுவிட்டு நாடு துரத்திக்கொண்டிருக்கிறது.

மதிராஜாதிலகர், சின்னபுங்கனேரி