தேர்தல் வியூகம்! விஜய்க்கு பஞ்ச் கொடுத்த ஸ்டாலின்!

சட்டமன்றத் தேர்தலுக்கு தி.மு.க.வினரை தயார்படுத்தும் வகையில் மூன்று மாதங்களுக்கு முன்பு கே.என்.நேரு தலைமையில் ஒருங்கிணைப் புக் குழுவை அமைத்திருந்தார் முதல்வர் மு.க.ஸ்டாலின். இந்தக் குழு பல்வேறுகட்ட ஆலோசனைகளை நடத்தியது.

- இரா.இளையசெல்வன்

அந்த ஆலோசனையின் ஒரு பகுதியாக 234 தொகுதிப் பார்வையாளர்கள் நியமிக்கப்பட்ட னர். அவர்களுடனான சட்டமன்றத் தொகுதிகளுக்கும் தேர் டு ஆ லோசனைக் கூட்டத்தை கடந்த 28-ந் தேதி அறிவாலயத்தில் நடத்தினார் மு.க.ஸ்டாலின்.

தமிழக வெற்றிக்கழகத்தின் முதல் மாநில மாநாட்டை நடத்திய நடிகர் விஜய், தி.மு.க.தான் என்று எங்களின் அரசியல் எதிரி முழங்கியிருந்தார். அவர் கர்ஜித்ததற்கு மறுநாள் (28-ந் தேதி) தி.மு.க.வின் இந்த ஆலோசனைக் கூட்டம் நடந்ததால், ஸ்டாலினின் ரியாக்ஷன் எப்படி இருக்கும் என்கிற எதிர்பார்ப்பு, ஒட்டுமொத்த உடன்பிறப்புகளிடமும் இருந்தது.

துணை முதல்வரும் இளைஞரணிச் செய லாளருமான உதயநிதி, மேடை ஏறாமல் கீழே அமர்ந்துகொண்டார். கலைஞர் ஆட்சியில் துணை முதல்வர் பொறுப்பை மு.க.ஸ்டாலின் ஏற்றிருந்த சமயத்தில், அறிவாலயத்தில் நடந்த கூட்டம் ஒன்றில் மேடை ஏறாமல் கீழே அமர்ந்திருந்தார் ஸ்டாலின். இதனை கவனித்த தல் பொறுப்பாளர்கள் சிலர், தலைவர் பாணியை அப்படியே சின்னவரும் (உதயநிதி) ர் என்று ஒருவருக்கு ஒருவர் பேசிக் கொண்டனர்.

கட்சியின் பொதுக்குழுக் கூட்டம் போல இருந்தது இந்த ஆலோசனைக் கூட்டம். கட்சி நிர்வாகிகளையும் பார்வையாளர்களையும் பேச வைத்தார் ஸ்டாலின் அவர்களது பேச்சிலிருந்த முக்கிய விசயங்களை உன்னிப்பாகக் கவனித்தார்.

சுமார் 2 மணி நேரம் நடந்த ஆலோசனைக் கூட்டத்தில் தேர்தல் பணிகள், வாக்காளர் பட்டியல் திருத்தப் பணிகள் உள்ளிட்டவைகள் விவாதிக்கப்பட்டன.

முதலில் மைக் பிடித்த ஆர்.எஸ்.பாரதி, "நாடாளுமன்றத் தேர்தலில் 100 சதவீத வெற்றியை நாம் பெற்றதைப்போல சட்டமன்றத் தேர்தலிலும் பெறவேண்டும். அதற்கு உங்களின் பங்களிப்பும் அர்ப்பணிப்பும் ரொம்பவே முக்கியம். முந்தைய கூட்டத்தில் எடுக்கப்பட்ட முடிவுகள், தீர்மானங்கள் எந்த அளவுக்கு நடைமுறைப்படுத்தினோம்; எதிலெல்லாம் சுணக்கம் ஏற்பட்டிருக்கிறது என ஆராய்ந்து அதற்கேற்ப அடுத்தகட்ட நடவடிக்கைகளை திட்டமிட்டு செயலாற்ற வேண்டும். அதேபோல, தலைமையிலிருந்து கொடுக்கப்படும்

உத்தரவுகளின்படி பொதுக்கூட்டங்கள், அரங்கக் கூட்டங்கள், போராட்டங்கள், நிகழ்ச்சிகள் எல்லாம் முறைப்படி காலதாமதமின்றி நடக்கிறதா என்பதை நீங்கள்தான் கண்காணிக்க வேண்டும். அது பற்றிய அறிக்கையை தலைமைக்கு அனுப்புவது அவசியம்” என்று அறிவுறுத்தினார்.