పోలీసు అమరవీరులకు అశృనివాళులు

అక్టోబర్ 21వ తేదీ 'అమరవీరుల సంస్మరణ దినం'గా నిర్వహిస్తారు. అక్టోబర్ 15 నుండి 21 వరకు వారం రోజుల పాటు అమరవీరుల సంస్మరణ వారోత్సవంగా నిర్వహిస్తారు.

అక్టోబర్ 21వ తేదీ 'అమరవీరుల సంస్మరణ దినం'గా నిర్వహిస్తారు. అక్టోబర్ 15 నుండి 21 వరకు వారం రోజుల పాటు అమరవీరుల సంస్మరణ వారోత్సవంగా నిర్వహిస్తారు. ప్రజల ధన, మాన, సంరక్షణ దిశలో అసువులు బాసిన అమరవీరుల సేవలను గుర్తుచేసుకుంటూ కార్యక్రమాలు నిర్వహిస్తున్నారు.

చరిత్ర - నేపథ్యం

భారత్- చైనా సరిహద్దులో ఉన్న లడఖ్ ని ఆక్సామ్ చిన్ వద్ద కేంద్ర రిజర్వ్ పోలీసు దళం (సి.ఆర్.పి.ఎఫ్) మన సరిహద్దుల రక్షణలో భాగంగా విధులు నిర్వహిస్తున్నది. 1959 అక్టోబర్ 21వ తేదీన రక్తం గడ్డకట్టేలా ఉన్న విపరీతమైన చలిలో పది మంది సి.ఆర్.పి.ఎఫ్. పోలీసులు విధులు నిర్వహిస్తున్నారు. చైనా దేశానికి చెందిన సైనికులు పెద్ద సంఖ్యలో మన దేశ సరిహద్దులోకి చొరబడి, మన భూభాగాన్ని ఆక్రమించడానికి వచ్చినప్పుడు ఈ పదిమంది సి.ఆర్.పి.ఎఫ్. పోలీసులు ధైర్యంతో చైనా సైనికులను, చివరి రక్తం బొట్టు వరకు ఎదురించి, ఆ పోరులో తమ ప్రాణాలు కోల్పోయారు.భారతదేశ రక్షణ కోసం పోలీసులు ప్రాణాలు వదిలిన సంఘటన అదే కావడం గమనార్హం. దాంతో పోలీసు బలగాల్లో ఆత్మస్థైర్యం నింపాలని, వారిని ప్రతి సంవత్సరం స్మరించుకోవాలని భావించి, అన్ని రాష్ట్రాల పోలీసు అధికారులు 1960 జనవరి 9వ తేదీన సమావేశమై, అక్టోబర్ 21వ తేదీని 'అమర వీరుల సంస్మరణ దినం'గా పాటించాలని తీర్మానించారు. నాటి నుండి పోలీసు అమరవీరుల త్యాగాన్ని స్మరించుకొని, వారి కుటుంబాలకు సానుభూతిని, సహకారాన్ని ప్రకటించి, వారికి ఘనమైన నివాళులు అర్పించడం సంప్రదాయంగా వస్తున్నది.

మన దేశ సైనికులు మైనస్ 40 డిగ్రీల ఉష్ణోగ్రత ఉన్న అత్యంత ఎత్తైన సియాచిన్ పర్వత శ్రేణుల్లో సరిహద్దు రక్షణకు తమ ప్రాణాలు పణంగా పెట్టి విధులు నిర్వహిస్తున్నారు. ప్రపంచంలోనే అత్యంత ఎత్తైనవి, మిక్కిలి చలితో కూడిన ప్రాంతం సియాచిన్ పర్వత ప్రాంతం. జమ్ము కాశ్మీర్ రాష్ట్రంలో, పాకిస్తాన్ సరిహద్దులోని ఈ సియాచిన్ గ్లేసియర్లో విధులు నిర్వహించడం అనేది మన సైనికులకు అత్యంత క్లిష్టమైన పని. దేశ సరిహద్దులను కాపాడుతూ, శత్రు సైనికులు మన దేశ భాగంలోకి ప్రవేశించకుండా ఎదుర్కొని పోరాటం చేయవలసిన అవసరం ఉంటుంది. దేశ సరిహద్దులను కాపాడుతూ, శత్రు సైనికులు మన దేత భాగంలోకి ప్రవేశించకుండా ఎదుర్కొని పోరాటం చేయవలసిన అవసరం ఉంటుంది.