ఈ వారం కధ

స్పాట్

- డాక్టర్. గాదిరాజు రంగరాజు

"ఏవండోయ్ మీకు ఆర్డర్ వచ్చిందా?”.

" ఈ సారి నాకు వద్దు అన్నాను లెండి” " నాకు ఆర్డర్ వచ్చిందండోయ్” వామన రావు ఆత్రుతగా చెప్పాడు.

సుబ్బారావుతో.

" ఏమిటి సార్ అంత ఆనందంగా ఉన్నారంటూ" నిరంజన్ రావు అప్పుడే స్టాఫ్ రూమ్ లోకి అడుగుపెట్టాడు.

“ వామన రావుకు అపాయింట్మెంట్ ఆర్డర్ వచ్చింది లెండి” నిరంజన్ తో సుబ్బారావు చెప్పాడు.

అపాయింట్మెంట్ ఆర్డర్ అందుకున్న వామన రావు గాల్లో తేలిపోతున్నాడు.

నిరంజన్ రావు వామన రావుకు 'కంగ్రాట్స్ 'చెప్పాడు.

పిల్లలకు పాఠాలు చెప్పడమే కానీ పేపర్లు దిద్దే అవకాశం వామన రావుకు ఇంతవరకు రానే రాలేదు.

వామన రావుకు ఇదే తొలిసారి కావటంతో భాగ్యలక్ష్మి బంపర్ లాటరీ తగిలినంత ఆనందంగా ఉంది.

డిపార్ట్మెంట్ లోని కొలీగ్స్ కు స్వీట్స్ తెప్పించి పంపిణీ చేశాడు.

ఇంట్లోకి అడుగు పెడుతూనే “ఏమోయ్ రెండేసి జతలు బట్టలు, లుంగీలు, టవల్స్, బ్రష్, టూత్ పేస్టు, సబ్బు అన్ని నా జర్నీ బ్యాగ్ లో సర్డె సేయ్ ".

"అర్జెంటుగా ఎక్కడకి ప్రయాణం శ్రీవారు....!” “నాకు పేపర్ దిద్దే అవకాశం ఇన్నాళ్లకు కలిగిందోయ్. నాకు వచ్చే రెమ్యూన్ రేషన్ తో నీకో కానుక ఇ స్తాను సరేనా” అన్నాడు.

" “అబ్బబ్బ మా శ్రీవారు బంగారు కొండ. ఎంత శుభవార్త చెప్పారు. బెస్ట్ ఆఫ్ లక్. ఉండండి వేడివేడి లు పట్టుకొస్తాను "అంటూ కిచెన్ లోకి వెళ్ళింది.

డ్రెస్ చేంజ్ చేసుకుని రావటానికి బాత్రూం లోకి దూరాడువామన రావు. ముఖం, కాళ్లు, చేతులు కడుక్కుని ఫ్రెషప్ అయ్యి హాల్లోకి వచ్చి ఆన్ చేసాడు.

భార్యమణి వచ్చి వేడి వేడి పకోడీల ప్లేట్ భర్త చేతిలో పెట్టింది.

"అయ్యవారు! లాగించండి. టీ పట్టుకొస్తాను”.

చిత్తం దేవి! ఇది దేవి ప్రసాదం...!".