వీర్యం కోసం.....న్యాయపోరాటం

ఎప్పుడు ఏం జరుగుతుందో తెలియదు. ఎవరైనా తల్లితండ్రులు తమ జీవితాలు పిల్లల చేతుల్లో వెళ్లిపోవాలని ఎంతో ఆశపడుతూ ఉంటారు.

- - వి.వి.వెంకటేశ్వరరావు, ఫ్రీలాన్స్ జర్నలిస్ట్ 6300866637

ఎప్పుడు ఏం జరుగుతుందో తెలియదు. ఎవరైనా తల్లితండ్రులు తమ జీవితాలు పిల్లల చేతుల్లో వెళ్లిపోవాలని ఎంతో ఆశపడుతూ ఉంటారు. కానీ అనూహ్య సంఘటనలు చోటుచేసుకున్న సందర్భంలో వారి ఆశలు తారుమారవుతాయి. పిల్లలే తల్లితండ్రుల చేతిలో మృత్యువాతపడటంతో వారి మరో వేదనకు బీజం పడుతుంది. చేతికి అంది వచ్చిన కొడుకును పెళ్లిపీటల మీద కూర్చోవాల్సిన వాడు పాడిపై పడుకుంటే.. ఆ తల్లితండ్రుల రోదన మిన్నంటుతాయి. కానీ కొన్ని అనుకొని సంఘటనల నేపథ్యంలో తమ కొడుకు ఆనారోగ్యంతో ఉన్న సమయంలో చికిత్సపొందుతున్నప్పుడు అతడి వీర్యకణాలను సేకరించి భద్రపరిచారు.. ఊహించని విధంగా ఆ కొడుకు మరణించడంతో వైద్యం అందించిన ఆసుపత్రిలో భద్రపరచిన వారి కొడుకు వీర్యాన్ని తమకు అందించాలని ఆ కన్న తల్లితండ్రులు న్యాయస్థానం గపడ తొక్కారు. దీంతో వాద ప్రతివాదనల అనంతరం ఆ తల్లితండ్రుల వేదనను అర్థం చేసుకున్న న్యాయస్థానంలో వారికి పూర్తి న్యాయం దొరికింది... ఇందుకు సంబంధించిన పూర్తి కథాంశం ఏమిటో ఇప్పుడు తెలుసుకుందాం...!

“మేం చాలా దురదృష్టవంతులం. మా అబ్బాయిని పోగొట్టుకున్నాం. కానీ కోర్టు మాకు చాలా విలువైన బహుమతి ఇచ్చింది. ఇప్పుడు మేం మా కొడుకును మళ్ళీ చూసుకోగలం” అంటూ హర్బీర్ కౌర్, గురు విందర్ సింగ్ దంపతులు ఆనందం వ్యక్తం చేశారు. ఈ దంపతుల ఆనందానికి కారణం కోర్టు ఇచ్చిన చరిత్రాత్మక తీర్చే. చనిపోయిన తమ కొడుకుకు సంబంధించి ఆస్పత్రిలో భద్రపరిచిన వీర్యాన్ని తమకు అప్పగిస్తే సరోగసీ ద్వారా తాము మనవడినో, మనవ రాలినో పొందుతామని వీరు కోర్టును ఆశ్రయించారు.నాలుగేళ్లపాటు కొనసాగిన ఈ కేసులో కోర్టు ఇచ్చిన తీర్పుతో కౌర్, గురువిందర్ సింగ్ దంపతులు చాలా సంతోషిస్తున్నారు. హర్బీర్ కౌర్, గురువిందర్ సింగ్ దంపతులకు ప్రీత్ ఇందర్ సింగ్ అనే కుమారుడు ఉన్నారు. 30 ఏళ్ల ఇందర్ సింగ్కు నాన్ -హాడ్కిన్స్ లింఫోమా (ఒకరకమైన బ్లడ్ క్యాన్సర్) ఉన్నట్టు 2020 జూన్లో నిర్ధరణ అయింది. దీంతో చికిత్స కోసం ఆయనను ఆస్పత్రిలో చేర్చారు. ఇందర్సింగ్కు కీమోథెరపీ ఇవ్వాలని నిర్ణయించినప్పుడు, ఆయనకు ఆస్పత్రి ఓ సూచన చేసింది. “కీమోథెరపీ వీర్యం నాణ్యతపై ప్రతికూల ప్రభావం చూపే అవకాశం ఉన్నందున, వీర్యాన్ని నిల్వచేసుకోవాలని సూచించింది." అని గురువిందర్ సింగ్ అంతర్జాతీయ మీడియా సంస్థకు చెప్పారు.