యువరాజు కనుసన్నల్లో రంగారెడ్డి కలెక్టర్

తెలంగాణ రాష్ట్రంలో చట్టం ఏకతాటిపై నడుస్తోంది.. శాసించే వాడిదే రాజ్యంగా సాగుతోంది.. సామాన్యుల కడగండ్లు తీరని వ్యథలుగా మిగిలిపోతున్నాయి..

• తట్టి అన్నారం గ్రామంలో భారీ భూ భాగోతం

• మల్టిపుల్ లిటిగేషన్లో ఉన్నాయని మాజీ కలెక్టర్ రిపోర్టు.. రాత్రికి రాత్రే వేరొకరికి ట్రాన్స్ఫర్చేసిన ఇప్పటి కలెక్టర్

• రికార్డుల్లో ఉన్న అనుభవదారులు ఎక్కడా సంతకాలు పెట్టలేదు

• కోర్టు పరిధిలో ఆ భూముల వ్యవహారం

• ధరణిని అడ్డుపెట్టుకుని దారుణాలకు పాల్పడుతున్న రంగారెడ్డి జిల్లా కలెక్టర్

• ఆవేదన వ్యక్తం చేస్తున్న తరుస్ హోమ్స్ ప్రయివేట్ లిమిటెడ్ చైర్మన్ కె. ప్రతాపరెడ్డి

తెలంగాణ రాష్ట్రంలో చట్టం ఏకతాటిపై నడుస్తోంది.. శాసించే వాడిదే రాజ్యంగా సాగుతోంది.. సామాన్యుల కడగండ్లు తీరని వ్యథలుగా మిగిలిపోతున్నాయి.. న్యాయస్థానాలు సైతం ముష్కరుల చేష్టలు చూసి స్థాణువైపోతున్నాయి.. కన్నుమూసి తెరిచేలోపే తమ భూములు మరొకరి పేరుమీద మారిపోతుండటంతో ఎవరికీ చెప్పుకోవాలో తెలియక బాధితులు తలలు పట్టుకుంటున్నారు.. దౌర్జన్యాలు.. అధికార దాష్టీకాలకు దాసోహం అంటూ దయనీయ స్థితిలో కొట్టుమిట్టాడుతున్నారు.. తాము ఎదుర్కొంటున్న సమస్యలకు ధరణి దరిద్రం తోడవ్వడంతో గోరుచుట్టుమీద రోకలి పొటన్నట్లు.. సమస్యల వలయంలో చిక్కుకుని, బయటపడే మార్గం లేక.. లబోదిబోమంటున్నారు.. రక్షణ కల్పించాల్సిన ప్రభుత్వమే భక్షిస్తోంటే.. బ్రతుకుభారమై చావలేక బ్రతుకుతున్నారు.. తెలంగాణలో రైతుల పరిస్థితి నానాటికీ దిగజారిపోతోంది.. దేశానికి తెలంగాణ రాష్ట్రం ఆదర్శం అంటూ అసత్యాలను అలవోకగా వల్లెవేస్తున్న కుహనా నాయకులను చూస్తుంటే దెయ్యాలు వేదాలు వల్లించినట్లు అనిపిస్తోంది.. రాష్ట్రంలో అత్యంత ఖరీదైన జిల్లాగా పేరుగాంచిన రంగారెడ్డి జిల్లా స్థితి గతుల్ని రక్షించాల్సిన కలెక్టరే.. అక్రమాలకు వత్తాసుపలుకుతుంటే.. ఇక తమను రక్షించేవారు ఎవరంటూ ఇక్కడి ప్రజానీకం ఆవేదన వ్యక్తం చేస్తోంది...