నిర్లక్ష్యపు నీడలో తెలంగాణ వైద్యం

ప్రజారోగ్యం పడకెక్కేసింది.. మెడికల్ మాఫియా రెచ్చిపోతోంది..

ప్రజారోగ్యం పడకెక్కేసింది..

మెడికల్ మాఫియా రెచ్చిపోతోంది..

• ఆర్.ఎం.పీ.లు మొదలుకుని, కార్పొరేట్ డాక్టర్ల వరకు అందరూ భాగస్వాములే..

• నియంత్రించడానికి ఎందుకు వెనుకంజ

• ప్రభుత్వ పెద్దలే మెడికల్ మాఫియాతో కడుతున్నారా..?

• కాలుష్య నివారణలో ప్రభుత్వాలు ఫెయిల్యూర్..

• బాధ్యతలు మరుస్తున్న బాధ్యతగల ప్రభుత్వ సంస్థలు..

• అక్రమ సంపాదనే ధ్యేయంగా..బయోవార్కు తెరతీస్తున్నారా..?

• భవిష్యత్తులో జరుగబోయే అనర్థాలను ఎవరు ఎదుర్కొంటారు..?

మెడికల్ మాఫియా.. కాలుష్య భూతం.. ప్రభుత్వాల నిర్లక్ష్యం.. అవినీతి అధికారుల పాపం.. వెరసి తెలంగాణ రాష్ట్రంలో బయోవార్ జరుగుతోంది.. భయపడుతూ బ్రతుకులు గడపాల్సిన గడ్డు పరిస్థితి నెలకొంది.. క్షణ క్షణం ప్రాణభయంతో గడిపే దుస్థితి ఎందుకు |వచ్చింది..? కనీసం ఆరోగ్యంతో జీవించే హక్కును కోల్పోయిన రాష్ట్ర ప్రజలను ఆదుకునే నాధుడు అసలు ఉన్నాడా..? అనేది ప్రశ్నార్థకంగా మారింది.. కేవలం అక్రమ సంపాదనకు తెగబడుతూ.. ప్రజల ఓట్లతో గెలిచి అధికారం చెలాయిస్తూ.. వారి బాగోగులు వదిలేసి పరిపాలన సాగుతున్న ప్రభుత్వాలకు ఎప్పుడు బుద్ధి వస్తుంది..? నడిచే దేవుళ్లుగా కీర్తించబడుతున్న డాక్టర్లు తాము ఎందుకు జన్మించారో..? అన్న విషయాన్ని పక్కనబెట్టి.. తమ వృత్తికి ద్రోహం చేస్తుండటం శోచనీయం.. అలాగే మందులు తయారుచేసే కంపెనీలు ప్రజల ఆరోగ్యాలు కాపాడటానికి, అవసరమైన విధంగా, వారికి అందుబాటులో ఉండేలా తయారీ ప్రక్రియను చేపట్టవలసి ఉంటుంది...కానీ కేవలం స్వలాభం కోసం, ప్రజల ప్రాణాలతో ఆడుకుంటూ..

నాశిరకం ఉత్పత్తులు చేయడం.. అధిక ధరలకు మందులు అమ్మడం గర్హనీయం.. ఇక వాతావరణాన్ని కలుషితం చేయకుండా ఉత్పత్తులు చేపట్టాల్సిన కెమికల్ కంపెనీలు విచ్చలవిడిగా ఎలాంటి జాగ్రత్తలు పాటించకుండా.. కాలుష్యాలను వెదజల్లే వ్యర్ధాలను.. ఎక్కడ పడితే అక్కడ వదిలేస్తుండటం అత్యంత ప్రమాదకరంగా మారిందని చెప్పవచ్చు.. కాలుష్య నియంత్రణ మండలి ఉన్నాకూడా ఎందుకూ పనికిరాకుండా పోయింది.. అవినీతి కాలుష్యంతో అంటకాగుతోంది...ఇక మార్పు వస్తుందనే నమ్మకం కూడా లేకుండా పోతోంది..