ధాన్యం కొనే దిక్కులేక అవస్థలు పడుతున్న రైతన్న

• ప్రజా వ్యతిరేక విధానాలపై పోరాటం చేయాలి • పార్టీ కార్యశాలలో కేంద్రమంత్రి కిషన్రెడ్డి

• దళారులతో కుమ్మక్కయిన మిల్లర్లు

• ఆరు గ్యారెంటీల అమలులో ప్రభుత్వం విఫలం

• సంస్థాగతంగా బీజేపీని బలోపేతం చేయాలి

హైదరాబాద్ 07, నవంబర్ (ఆదాబ్ హైదరాబాద్): రాష్ట్రంలో 11 నెలల్లోనే కాంగ్రెస్ ప్రభుత్వంపై ప్రజల నుంచి తీవ్ర వ్యతిరేకత వచ్చిందని కేంద్ర మంత్రి, భాజపా తెలంగాణ రాష్ట్ర అధ్యక్షుడు కిషన్రెడ్డి అన్నారు. ఇచ్చిన హామీలు నెరవేర్చలేక పోయారని వివరించారు. అలాగే ఆరు గ్యారెంటీల అమలులో విఫలం అయ్యారని అన్నారు. సంస్థాగతంగా భాజపాను బలోపేతం చేసుకోవాలని కిషన్రెడ్డి పిలుపునిచ్చారు. ఆయన అధ్యక్షతన రాష్ట్ర పార్టీ కార్యాలయంలో సంస్థాగత ఎన్నికల పక్రియపై కార్యశాల నిర్వహించారు. జిల్లా అధ్యక్షులు, రిటర్నింగ్ అధికారులకు దిశానిర్దేశం చేశారు.

ఈసందర్భంగా కిషన్రెడ్డి మాట్లాడుతూ.. ప్రభుత్వం ధాన్యం కొనుగోలులో రైతులకు అన్యాయం చేస్తోందని విమర్శించారు. కాంగ్రెస్ అధికారంలో ఉన్న రాష్ట్రాలు దివాలా తీశాయని చెప్పారు.