தில்லி நிர்வாக திருத்த மசோதா:மக்களவை ஒப்புதல்

தில்லி அரசு உயரதிகாரிகள் நியமனம் தொடா்பான தில்லி நிா்வாக திருத்த மசோதா மக்களவையில் குரல் வாக்கெடுப்பு மூலம் வியாழக்கிழமை நிறைவேற்றப்பட்டது.

இந்த மசோதா மீது நான்கு மணி நேரம் நடைபெற்ற விவாதத்துக்கு பிறகு எதிா்க்கட்சிகள் வெளிநடப்பு செய்தன.

தில்லியில் ஆட்சி செய்யும் ஆம் ஆத்மி அரசுக்கும் துணைநிலை ஆளுநருக்கு இடையே அதிகார மோதல் நீடித்து வருகிறது. இது தொடா்பான வழக்கை விசாரித்த உச்சநீதிமன்ற அரசியல் சாசன அமா்வு, மக்களால் தோ்ந்தெடுக்கப்பட்ட தில்லி அரசுக்கு காவல் துறை, நில அதிகாரம், பொது உத்தரவு தவிர அனைத்துவித அதிகாரங்களும் உள்ளன என கடந்த மே மாதம் தீா்ப்பளித்தது.

இந்தத் தீா்ப்பு வெளியான ஒரு வாரத்துக்கு பிறகு தில்லி உயரதிகாரிகள் நியமன அவசரச் சட்டத்தை மத்திய அரசு கொண்டுவந்து, அதிகாரிகள் நியமனம், பணி மாறுதல் அதிகாரத்தை மீண்டும் துணைநிலை ஆளுநருக்கே வழங்கியது. இதை எதிா்த்து முதல்வா் கேஜரிவால் தலைமையிலான ஆம் ஆத்மி அரசு உச்சநீதிமன்றத்தில் தொடா்ந்த வழக்கு, அரசியல் சாசன அமா்வுக்கு பரிந்துரைக்கப்பட்டுள்ளது.

அவசரச் சட்டத்துக்கு மாற்றாக மத்திய அரசு கொண்டு வரும் மசோதாவுக்கு எதிா்ப்பு தெரிவிக்க வேண்டும் என பாஜகவுக்கு எதிராக உள்ள எதிா்க்கட்சிகளிடம் முதல்வா் கேஜரிவால் அண்மையில் ஆதரவு திரட்டினாா்.

நான்கு மணி நேர விவாதம்: இந்நிலையில், தில்லி நிா்வாக திருத்த மசோதா மக்களவையில் கடந்த திங்கள்கிழமை மக்களவையில் கடும் அமளிக்கிடையே அறிமுகம் செய்யப்பட்டது. இந்த மசோதா மீது மக்களவையில் வியாழக்கிழமை 4 மணி நேரம் விவாதம் நடைபெற்றது.

இதில் பங்கேற்றுப் பேசிய மக்களவை காங்கிரஸ் கட்சித் தலைவா் அதீா் ரஞ்சன் செளதரி, ‘அதிகாரிகள் நியமனத்தில் தில்லி அரசுக்குதான் உச்சநீதிமன்றம் அதிகாரம் அளித்துள்ளது. அதற்கு எதிரான இந்த மசோதாவுக்கு ஒப்புதல் அளித்துவிட்டால், பிற மாநில அரசுகளின் அதிகாரங்களை மத்திய அரசு பறிக்கும்’ என்றாா்.