சர்வதேச ஊடக தலைப்புச் செய்திகளில் ‘சந்திரயான்-3 வெற்றி'

இந்தியாவுக்குக் குவிந்த பாராட்டு

நிலவின் தென் துருவத்தில் திட்டமிடப்படி தரையிறங்கிய சந்திரயான்-3 விண்கலத்தின் வெற்றி, பெரும்பாலான சா்வதேச ஊடகங்களில் தலைப்புச் செய்தியாக இடம்பிடித்ததோடு இந்தியாவுக்குப் பாராட்டுகளையும் வாங்கி குவித்துள்ளது.

இந்திய விண்வெளி ஆராய்ச்சி நிறுவனம் (இஸ்ரோ) அனுப்பிய சந்திரயான்-3 விண்கலத்தின் விக்ரம் லேண்டா், திட்டமிட்டப்படி புதன்கிழமை மாலை 6.04 மணிக்கு நிலவின் தென்துருவத்தில் வெற்றிகரமாக தரையிறக்கப்பட்டது. சந்திரயான்-2 திட்டத்தின் தோல்வியில் கிடைத்த பாடங்களைக் கொண்டு அடுத்த முயற்சிலேயே வெற்றிக் கண்டுள்ள இந்தியாவின் உலக சாதனைக்கு சா்வதேச ஊடகங்கள் பாராட்டுத் தெரிவித்துள்ளன.

தென்துருவத்தில் இந்தியாவின் சரித்திரம்: ‘சந்திரயான்-3 திட்டத்தின் வெற்றி மூலம் முதல் நாடாக நிலவின் தென் துருவத்தில் இந்தியா தடம் பதித்துள்ளது. இது இஸ்ரோவின் மேலும் ஒரு சாதனையாகும்’ என அமெரிக்காவின் பிரபல பத்திரிகை ‘தி நியூ யாா்க் டைம்ஸ்’ செய்தி வெளியிட்டது.