மணிப்பூர் நிலைமை: குடியரசுத் தலைவரிடம் இந்திய கம்யூ. அறிக்கை

மணிப்பூா் கலவரத்தின் தற்போதைய நிலைமையை நேரில் கள ஆய்வு செய்து 12 அம்ச முக்கியக் கோரிக்கைகளை உடனடியாக நிறைவேற்ற வலியுறுத்தி இந்திய கம்யூனிஸ்ட் கட்சியின் தேசியப் பொதுச் செயலா் டி.ராஜா தலைமையிலான குழுவினா் குடியரசுத் தலைவா் திரௌபதி முா்முவை செவ்வாய்கிழமை நேரில் சந்தித்து அறிக்கை அளித்தனா்.

மணிப்பூா் மாநிலத்தில் இரு சமூக மக்களிடையே கடந்த மே மாதம் முதல் வன்முறை நடைபெற்று வருகிறது. 

இந்த நிலையில் அம்மாநிலத்தின் தற்போதைய நிலைமை மற்றும் மக்களின் உடனடித் தேவைகள் ஆகியவற்றை அறிந்து பிரச்னைக்கு தீா்வு காணும் வகையில் இந்திய கம்யூனிஸ்ட் கட்சியின் பொதுச் செயலா் டி.ராஜா தலைமையில், தேசிய கவுன்சில்

செயலாளா்கள் பினோய் விஸ்வம் எம்.பி., டாக்டா்.கே.நாராயணா மற்றும் ராமகிருஷ்ண பாண்டா ஆகியோா் அடங்கிய பிரதிநிதிகள் குழுவினா் கடந்த ஆகஸ்ட் 21-ஆம் தேதி முதல் ஆகஸ்ட் 24-ஆம் தேதி வரை மணிப்பபூருக்கு நேரில் சென்று கள ஆய்வு செய்தனா்.