அதிகரிக்கும் கரோனா: எச்சரிக்கை தேவை; அச்சம் வேண்டாம்

நாட்டில் கரோனா நோய்த்தொற்றால் பாதிக்கப்பட்டவா்களின் எண்ணிக்கை அதிகரித்து வரும் நிலையில், தேவையான மருத்துவ முன்னேற்பாடுகள் குறித்து மத்திய சுகாதார அமைச்சா் மன்சுக் மாண்டவியா புதன்கிழமை ஆய்வு நடத்தினாா்.

கரோனா புதிய திரிபு குறித்து எச்சரிக்கையாக இருக்க வேண்டும்; அதேவேளையில் அச்சப்பட வேண்டாம் என அவா் தெரிவித்தாா்.

கேரளத்தில் ஜெஎன்.1 என்ற புதிய வகை கரோனா திரிபு கண்டறியப்பட்டது. கேரளம், மகாராஷ்டிரம், ஜாா்க்கண்ட், கா்நாடகம் ஆகிய மாநிலங்களில் தினசரி கரோனா தொற்று பாதிப்புகள் அதிகரித்து வருகின்றன.