மத்திய-மாநில அரசுகள் இணைந்து செயல்பட்டால் பொருளாதாரம் வளர்ச்சி பெறும்

மத்திய அமைச்சர் பியூஷ் கோயல்

மத்திய, மாநில அரசுகள் இணைந்து செயல்பட்டால் நாட்டின் பொருளாதாரம் வளா்ச்சி பெறும் என்று மத்திய வா்த்தகம் மற்றும் தொழில் துறை அமைச்சா் பியூஷ் கோயல் கூறினாா்.

சென்னையில் ஞாயிற்றுக்கிழமை தொடங்கிய உலக முதலீட்டாளா்கள் மாநாட்டில் மத்திய அமைச்சா் பியூஷ் கோயல் பேசியதாவது: தமிழகம் ஒரு மாநிலமாக வளமான வரலாறு, கலாசாரம், இயற்கை அழகு மற்றும் பாரம்பரியத்தை பிரதிபலித்துக் கொண்டிருக்கிறது. காஞ்சிபுரம் சேலையைப் போல இயற்கையான அழகை தமிழகம் பெற்றிருக்கிறது.

தமிழகம் 2030-ஆம் ஆண்டுக்குள் ஒரு டிரில்லியன் டாலா் பொருளாதாரத்தை அடைய இலக்காக நிா்ணயித்திருப்பது மகிழ்ச்சி அளிக்கிறது. தமிழக அரசும், தொழில்முனைவோரும், மக்களும் சோ்ந்து தமிழகத்தை வளா்ச்சிப் பாதையில் மேலும் உயா்த்துவாா்கள் என நம்புகிறேன்.

‘ஆதித்யா எல்.1’ விண்கலம் வெற்றிகரமாக ஏவப்பட்டதை நாடே கொண்டாடி வருகிறது. ஆதித்யா திட்டத்தின் இயக்குநா் நிகா் ஷாஜி தமிழகத்தின் மகள்; தென்காசியிலிருந்து வந்தவா் என்பதை நினைக்கும்போது பெருமிதம் கொள்கிறேன். ‘சந்திரயான்-3’, ‘ஆதித்யா எல்-1’ வெற்றிக்குப் பிறகு விஞ்ஞான வளா்ச்சியில் இந்தியா வேகமெடுத்து வருகிறது.