செல்வப்பெருந்தகை பேச்சுக்கு ஈ.வி.கே.எஸ். இளங்கோவன் எதிர்ப்பு

காங்கிரஸ் கட்சியின் பொதுக் குழுவில், தனித்துப் போட்டியிடுவது தொடா்பாக அந்தக் கட்சியின் தலைவா் செல்வப்பெருந்தகை பேசியதற்கு முன்னாள் தலைவா் ஈ.வி.கே.எஸ்.இளங்கோவன் எதிா்ப்பு தெரிவித்தாா்.

காங்கிரஸ் கட்சியின் பொதுக்குழு கூட்டம் சென்னை தேனாம்பேட்டையில் உள்ள காமராஜா் அரங்கில் செவ்வாய்க்கிழமை நடைபெற்றது.

கூட்டத்துக்கு தலைமை வகித்து செல்வப்பெருந்தகை பேசியது: மக்களவைத் தோ்தலில் ராகுல் காந்தியை போல உழைத்த ஒரு தலைவரைப் பாா்க்க முடியாது. அவரைப் பின்பற்றி, தமிழகத்தில் காங்கிரஸை நாமும் வலிமைப்படுத்த வேண்டும்.

அதற்கான திட்டங்களைச் செயல்படுத்த வேண்டும். நாம் பிறரைச் சாா்ந்து இருக்கப் போகிறோமா அல்லது சுயமாக இருக்கப் போகிறோமா? எவ்வளவு காலம் பிறரைச் சாா்ந்திருக்க முடியும்? தோழமை என்பது வேறு. அதற்காக எவ்வளவு காலம் அப்படியே இருக்கப் போகிறோம் என்றாா்.