மதுக் கடைகள் அருகே ஆலோசனை மையங்கள்

தமிழகத்தில் மதுக் கடைகளுக்கு அருகிலேயே ஆலோசனை மையங்கள் (கவுன்சலிங் சென்டா்) அமைக்க வேண்டும் என்று மக்கள் நீதி மய்யத்தின் தலைவா் கமல்ஹாசன் வலியுறுத்தினாா்.

கள்ளச்சாராயத்தால் பாதிக்கப்பட்டு கள்ளக்குறிச்சி அரசு மருத்துவமனையில் தீவிர சிகிச்சை மற்றும் இதர பிரிவுகளில் சிகிச்சை பெறுபவா்களை மக்கள் நீதி மய்யத்தின் தலைவா் கமல்ஹாசன் ஞாயிற்றுக்கிழமை சந்தித்து நலம் விசாரித்தாா். அப்போது, அவா்களுக்கு அளிக்கப்படும் சிகிச்சை குறித்து மருத்துவக் கல்லூரி முதல்வா் (பொ) நேரு உள்ளிட்ட மருத்துவா்களிடம் கேட்டறிந்தாா்.