‘நீட்' தேர்வு: தமிழகத்துக்கு விலக்கு அளியுங்கள்

மாநிலங்களவையில் திமுக உறுப்பினர்கள் கோரிக்கை

மருத்துவ நுழைவுத் தேர்வுக்கான "நீட்' தேர்வை நாடு முழுக்க ரத்து செய்யுங்கள் அல்லது தமிழக மசோதாவுக்கு ஒப்புதல் அளித்து நீட் தேர்விலிருந்து விலக்கு அளியுங்கள் என திமுக உறுப்பினர்கள் திருச்சி சிவா, பி.வில்சன், டாக்டர் கனிமொழி என்விஎன் சோமு ஆகியோர் மாநிலங்களவையில் குறிப்பிட்டனர்.

குடியரசுத் தலைவர் உரைக்கு நன்றி தெரிவிக்கும் விவாதம் மாநிலங்களவையில் தொடர்ச்சியாக மூன்று தினங்கள் நடைபெற்றது. இதில் மாநிலங்களவை திமுக குழுத் தலைவர் திருச்சி சிவா, திமுக உறுப்பினர் பி.வில்சன் ஆகியோர் நீட் விவகாரம் குறித்துப் பேசுகையில், "நீட் தேர்விலிருந்து தமிழகத்துக்கு விலக்கு அளிக்கும் தமிழக மருத்துவப் படிப்புகளுக்கான மாணவர் சேர்க்கை மசோதா 2021}ஐ தமிழக சட்டப்பேரவையில் நிறைவேற்றியது. இந்த மசோதா மத்திய அரசின் (குடியரசுத் தலைவர்) ஒப்புதலுக்காக 3 ஆண்டுகளாக நிலுவையில் உள்ளது. தமிழக முதல்வர் மு.க.ஸ்டாலின் பலமுறை மத்திய அரசுக்கு கடிதம் எழுதியுள்ளார்.