தமிழகத்தில் மின் கட்டணம் உயர்வு: வீடுகளுக்கு யூனிட்டுக்கு 20 முதல் 55 காசு அதிகரிப்பு உ

தமிழகத்தில் மின்கட்டணத்தை உயர்த்தி மின்வாரிய ஒழுங்கு முறை ஆணையம் திங்கள்கிழமை உத்தரவிட்டது.

இதன்படி வீடுகளுக்கு குறைந்தபட்சம் ஒரு யூனிட்டுக்கு 20 காசு முதல் 55 காசு வரை உயர்கிறது.

வணிகப் பயன்பாடு, தொழிற் சாலைகள், விசைத்தறி உள்ளிட்ட அனைத்து வகை பயன்பாட்டிற்குமான மின்கட்டணம் உயர்த்தப்பட் டுள்ளது. இந்த கட்டண உயர்வு ஜூலை 1 -ஆம் தேதி முதல் முன்தேதியிட்டு அமலுக்கு வந்துள்ளது.

தமிழக மின்வாரியம் கடந்த 2022 செப்டம்பர் மாதம் மின் கட்டணத்தை 30 சதவீதத்துக்கு மேல் உயர்த்தியது. இந்நிலையில்,அடுத்து வரும் நான்கு ஆண்டுகளுக்கு ஆண்டுதோறும் ஜூலை 1 முதல் மின்கட்டணம் உயர்த்தப்படும் என அறிவிக்கப்பட்டிருந்த நிலையில் கடந்த 2023 ஜூலை 1ஆம் தேதி 2.18 சதவீதம் மின் கட்டணம் உயர்த்தப்பட்டது. தொடர்ந்து நிகழாண்டு தேர்தல் நடைபெற்றதால் மின்கட்டணம் உயர்த்தப்படாமலேயே இருந்தது. விக்கிரவாண்டி இடைத்தேர்தல் முடிவடைந்த நிலையில், தமிழகத்தில் மின் கட்டண உயர்வு அறிவிக்கப்பட்டுள்ளது. இந்த அறிவிப்பு ஜூலை 1-ஆம் தேதி முதல் அமல்படுத்தப்பட்டுள்ளதாகவும் அவ்வாணையம் அறிவித்துள்ளது.

அதன் விவரம்: வீடுகள், அடுக்குமாடி குடியிருப்புகள்: வீடுகள், அடுக்குமாடி குடியிருப்புகளுக்கு, 0 முதல் 400 யூனிட்டுகள் வரை ஒரு யூனிட்டுக்கு ரூ.4.60 காசுகளாக இருந்து வரும் மின்கட்டணம், தற்போது ரூ.4.80 காசுகளாக உயர்த்தப்பட்டுள்ளது.