தமிழகத்தில் உயர் கல்வியின் பொற்கால ஆட்சி - முதல்வா மு.க.ஸ்டாலின்

தமிழகத்தில் உயர் கல்வியின் பொற்கால ஆட்சி நடைபெற்று வருவதாக முதல்வர் மு.க. ஸ்டாலின் கூறினார்.

சென்னையில் வியாழக்கிழமை நடைபெற்ற லயோலா கல்லூரி நூற்றாண்டு தொடக்க விழாவில் முதல்வர் மு.க. ஸ்டாலின் பேசியதாவது:

சென்னையில் எத்தனையோ கல்லூரிகள் இருந்தாலும் லயோலா தனித்துத் தெரியும். கல்வி, விளையாட்டு, கலை என அனைத்திலும் லயோலா கல்லூரி மாணவர்கள் தனியாகத் தெரிவார்கள்.

இங்கே நான் படிக்கவில்லை. எனினும், எனது மகனும், அமைச்சருமான உதயநிதி படித்தது லயோலா கல்லூரியில்தான். அந்த வகையில் பார்த்தால் இந்த நிகழ்ச்சிக்கு, முதல்வராக மட்டுமல்ல, மாணவரின் பெற்றோராகவும் வந்திருக்கிறேன்.