ஐடி சாதனங்கள் இறக்குமதிக்கான உரிமம்: டிச. 31 வரை நீட்டிப்பு

மடிக்கணினிகள் மற்றும் பிற தகவல் தொழில்நுட்ப (ஐடி) சாதனங்களின் இறக்குமதிக்கு கட்டுப்பாடுகள் விதிக்கப்பட்டதற்குப் பிறகு, அரசின் இறக்குமதி மேலாண்மை திட்டத்தின் கீழ் வழங்கப்பட்டுள்ள உரிமங்களுக்கான காலாவதி தேதி வரும் டிசம்பர் மாதம் 31-ஆம் வரை நீட்டிக்கப்பட்டுள்ளது.

இது குறித்து வெளிநாட்டு வர்த்தகத்துக்கான பொது இயக்குநரகம் வெளியிட்டுள்ள சுற்றறிக்கையில் குறிப்பிடப்பட்டுள்ளதாவது:

தகவல் தொடர்பு சாதனங்களை இறக்குமதி செய்வதற்காக விண்ணப்பித்த நிறுவனங்களுக்கு வழங்கப்பட்ட உரிமங்கள் செப். 30-ஆம் தேதியுடன் காலாவதியாகின்றன. இந்த நிலையில், அந்த உரிமங்களுக்கான காலக்கெடு வரும் டிசம்பர் 31-ஆம் தேதிவரை நீட்டிக்கப்படுகிறது என்று அந்த சுற்றறிக்கையில் தெரிவிக்கப்பட்டுள்ளது.