ஒப்பந்தப் பணிகளை செய்ததாக ரூ.15 கோடி மோசடி: தனியார் ஊழியர் கைது

சென்னையில் தனியார் நிறுவனப் பணிகளைச் செய்வதாகக் கூறி ஒப்பந்தம் வாங்கி ரூ.15.50 கோடி மோசடி செய்த வழக்கில், நிறுவன ஊழியரை ஆவடி மத்திய குற்றப்பிரிவு போலீஸார் புதன்கிழமை கைது செய்தனர்.

சென்னை கோவிலம்பாக்கம், சுண்ணாம்பு கொளத்தூர் பகுதியைச் சேர்ந்தவர் எட்வின் இளையராஜா (46). இவர், கிண்டியில் உள்ள தனியார் நிறுவனத்தில் துணைத் தலைவராகப் பணியாற்றி வருகிறார். இவரது நிறுவனம் இந்தியாவில் பல மாநிலங்களில் உள்ள பெரிய நிறுவனங்களில் இருந்து உள்வடிவமைப்பு மற்றும் கட்டுமானப் பணிகளுக்கு ஒப்பந்தம் பெற்று, அந்தப் பணிகளைப் பல துணை ஒப்பந்ததாரருக்கு வழங்கிச் செய்து வருகிறது.