7 அரசு மருத்துவமனைகளில் நவீன மருத்துவக் கட்டமைப்பு

மக்கள் நல்வாழ்வுத் துறைச் செயலர் சுப்ரியா சாஹு

தமிழகத்தில் 7 அரசு மருத்துவமனைகளில் ரூ.77.5 கோடி மதிப்பீட்டில் தீவிர சிகிச்சை, பொது சுகாதார ஆய்வக கட்டமைப்புகள் ஏற்படுத்தப்பட்டு வருவதாக மக்கள் நல்வாழ்வுத் துறை செயலர் சுப்ரியா சாஹு தெரிவித்துள்ளார்.

அவர் திங்கள்கிழமை வெளியிட்ட செய்திக் குறிப்பு: தமிழகம் முழுவதும் அவசரகால மற்றும் நோய் கண்டறியும் சேவைகளை வலுப்படுத்தும் நோக்கில், சுகாதார உள்கட்டமைப்புகளை பெரிய அளவில் விரிவுபடுத்துவதாக மாநில அரசு அறிவித்துள்ளது.

அதன்படி, கடந்த 2021-22-ஆம் நிதியாண்டு முதல் புதிதாக 28 தீவிர சிகிச்சை பிரிவுகளும், 20 மாவட்ட ஒருங்கிணைந்த பொது சுகாதார ஆய்வகங்களும் நிறுவுவதற்கு ஆணை பிறப்பித்துள்ளது. இத்திட்டங்கள் பல்வேறு கட்டுமான நிலைகளில் உள்ளன.