உலகத் தமிழர்களின் தொழில்முனைவு வாய்ப்புகளை கோலாலம்பூர் பொருளாதார மாநாடு ஊக்குவிக்கும்

உலகத் தமிழர்களின் தொழில்முனைவு மற்றும் பொருளாதாரத்தை கோலாலம்பூரில் நவ.15 முதல் 17-ஆம் தேதி வரை நடைபெறவுள்ள பொருளாதார மாநாடு ஊக்குவிக்கும் என்று அந்த மாநாட்டு அமைப்புத் தலைவரும் நிறுவனத் தலைவருமான டாக்டர் வி.ஆர்.எஸ். சம்பத் தெரிவித்துள்ளார்.

இந்த மாநாட்டை தமிழக அரசு சார்பில் மூத்த அமைச்சர் துரைமுருகன் தொடங்கி வைத்து சிறப்புரையாற்றுகிறார். மலேசியாவிற்கான இந்திய தூதர் பி.என். ரெட்டி தலைமை வகிக்கிறார். மாநாட்டின் தமிழக சட்டப்பேரவைத் தலைவர் அப்பாவு நிறைவுரையாற்றுகிறார்.

மலேசிய உச்சநீதிமன்ற நீதிபதி வசீர் ஆலம், சுகாதார அமைச்சர் டத்தோ செரி டாக்டர் சுப்பிரமணியம், மலேசிய கல்வித் துறை துணை அமைச்சர் மாரிமுத்து, புதுச்சேரி அமைச்சர் நமச்சிவாயம், மக்களவை உறுப்பினர் எஸ். ஜெகத்ரட்சகன், புதுச்சேரி பேரவை முன்னாள் தலைவர் வி.பி. சிவக்கொழுந்து, விஜிபி நிறுவன குழுமத் தலைவர் வி.ஜி.சந்தோஷம், பிஜிபி குழுமத் தலைவர் டாக்டர் பழனி, ஜி.பெரியசாமி, அபுபக்கர் நிறுவன தலைவர் அபுபக்கர் உள்ளிட்டோரும் மாநாட்டில் பங்கேற்று உரை யாற்ற இசைவு தெரிவித்துள்ளனர்.