சபரிமலையில் பெண்கள் வழிபடுவதற்கு எதிர்ப்பு கோவா ஆளுநர் மீதான எஃப்ஐஆரை ரத்து செய்தது உயர்நீதிமன்றம்

சபரிமலை ஐயப்பன் கோயிலுக்குள் அனைத்து வயது பெண்களும் நுழைவதற்கு எதிராக கருத்து தெரிவித்த விவகாரத்தில் கோவா ஆளுநர் பி.எஸ். ஸ்ரீதரன் பிள்ளை மீது பதியப்பட்ட முதல் தகவல் அறிக்கையை (எஃப்ஐஆர்) கேரள உயர்நீதிமன்றம் ரத்து செய்து உத்தரவிட்டது.

கேரள பாஜக தலைவராக இருந்த ஸ்ரீதரன் பிள்ளை, கடந்த 2018, நவ.4ஆம் தேதி நடைபெற்ற அந்தக் கட்சியின் இளைஞரணி கூட்டத்தில் பங்கேற்றார். அப்போது 'சபரிமலை கோயிலுக்குள் பெண்கள் நுழைய முற்பட்டால், கோயில் நடையை தலைமை அர்ச்சகர் பூட்டினால் அது நீதிமன்ற அவமதிப் பாக கருதப்படாது' என பேசியதாக அவர் மீது பத்திரிகையாளர் ஒருவர் புகார் அளித்தார். இதனடிப்படையில் அவர் மீது காவல் துறையினர் வழக்குப் பதிவு செய்தனர்.

அதன்பிறகு கடந்த 2021-ஆம் ஆண்டுகோவா மாநில ஆளுநராக ஸ்ரீதரன் பிள்ளை மத்திய அரசால் நியமிக்கப்பட்டார்.