மழையால் பாதிக்கப்பட்ட மாவட்டங்களில் தொடர் மருத்துவ முகாம்

அமைச்சர் மா.சுப்பிரமணியன்

மழையால் பாதிக்கப்பட்ட மாவட்டங்களில் தொடர் மருத்துவ முகாம்கள் நடத்தப்படும் என்று மக்கள் நல்வாழ்வுத் துறை அமைச்சர் மா.சுப்பிரமணியன் தெரிவித்தார்.

ஃபென்ஜால் புயலால் பாதிக்கப்பட்ட சென்னை, திருவள்ளூர், செங்கல்பட்டு, காஞ்சிபுரம், விழுப்புரம், கள்ளக்குறிச்சி, கடலூர் ஆகிய 7 மாவட்டங்களில் 500 இடங்களில் சிறப்பு மருத்துவ முகாம் ஞாயிற்றுக்கிழமை நடைபெற்றது. இதில், சென்னையில் 200 இடங்களிலும், மற்ற 6 மாவட்டங்களில் தலா 50 இடங்களிலும் மருத்துவ முகாம்கள் நடைபெற்றன.

சென்னை கிண்டி, மடுவங்கரையில் மருத்துவ முகாமை அமைச்சர் மா.சுப்பிரமணியன் தொடங்கிவைத்தார். அப்போது, அமைச்சர் மா.சுப்பிரமணியன் செய்தியாளர்களிடம் கூறியதாவது:

ஃபென்ஜால் புயலையொட்டி மேற்கொள்ளப்பட்ட முன்னெச்சரிக்கை நடவடிக்கைகளால் மிகப் பெரிய பாதிப்பு தடுக்கப்பட்டுள்ளது.