மாற்றுத்திறனாளிகளின் இருப்பிடங்களுக்கே சென்று சேவை அளிக்கும் திட்டம்: முதல்வர் தொடங்கி வைத்தார்

சென்னை, டிச. 5: மாற்றுத்திறனாளிகளின் இருப்பிடங்களுக்கே சென்று வாகனம் மூலமாக சேவை அளிக்கும் திட்டத்தை முதல்வர் மு.க.ஸ்டாலின் தொடங்கி வைத்தார்.

இதற்கான நிகழ்ச்சி தலைமைச் செயலகத்தில் வியாழக்கிழமை நடைபெற்றது.

இதுகுறித்து, தமிழக அரசு வெளியிட்ட செய்தி: மாற்றுத்திறனாளிகளுக்கு மறுவாழ்வு சேவைகள் வழங்கும் வகையில், தமிழ்நாடு உரிமைகள் திட்டத்தின் கீழ், மாநிலம் முழுவதும் ஒருங்கிணைந்த சேவை மையங்கள் அமைந்துள்ளன. இந்த மையங்களுக்கு நேரடியாக வரமுடியாத மாற்றுத்திறனாளிகளுக்கு விழுதுகள் என்ற மறுவாழ்வு சேவை ஊர்தி ஏற்படுத்தப்பட்டுள்ளது.