குடியரசு தின அணிவகுப்பில் தில்லி அலங்கார ஊர்திக்கு இடமில்லை

மத்திய அரசு மீது கேஜரிவால் தாக்கு

அடுத்த ஆண்டு நடைபெறும் குடியரசு தினத்தின் அணிவகுப்பு நிகழ்ச்சியில் தில்லியின் அலங்கார ஊர்தி இடம் பெறவில்லை என தகவல் வெளியான நிலையில், மத்திய அரசு அரசியலில் ஈடுபடுவதாக ஆம் ஆத்மியின் தேசிய அமைப்பாளர் அரவிந்த் கேஜரிவால் ஞாயிற்றுக்கிழமை குற்றஞ்சாட்டினார்.

இதுகுறித்து அவர் செய்தியாளர்களிடம் கூறியதாவது: தில்லி தேசியத் தலைநகராக இருப்பதால், ஒவ்வொரு ஆண்டும் குடியரசு தின அணிவகுப்பில் அதன் அலங்கார ஊர்தி சேர்க்கப்பட வேண்டும். நான் அவர்களிடம் கேட்க விரும்புவதெல்லாம், இந்த ஆண்டு தில்லியின் அலங்கார ஊர்தி ஏன் மீண்டும் விடுபட்டுள்ளது? குடியரசு தின விழாவில் தில்லி மக்கள் ஏன் பங்கேற்க விடாமல் தடுக்கப்படுகிறார்கள்? பல ஆண்டுகளாக தில்லியின் அலங்கார ஊர்தி இடம்பெறாமல் உள்ளது.