தேசிய மனித உரிமைகள் ஆணையத் தலைவர் நீதிபதி வெ.ராமசுப்ரமணியன்

தேசிய மனித உரிமைகள் ஆணையத்தின் (என்ஹெச்ஆர்சி) ஒன்பதாவது தலைவராக உச்ச நீதிமன்ற முன்னாள் நீதிபதி வெ.ராமசுப்ரமணியன் நியமிக்கப்பட்டார்.

என்ஹெச்ஆர்சி தலைவராக இருந்த முன்னாள் நீதிபதி அருண் குமார் மிஸ்ராவின் பதவிக்காலம் கடந்த ஆண்டு ஜூன் 29-ஆம் தேதி நிறைவடைந்தது. அதன் பிறகு ஆணையத்தின் பொறுப்புத் தலைவராக விஜய பாரதி சயானி செயல்பட்டு வருகிறார். இந்நிலையில், தமிழகத்தைச் சேர்ந்த வெ.ராமசுப்ரமணியன் நியமிக்கப்பட்டுள்ளார்.

கடந்த 2006-ஆம் ஆண்டு சென்னை உயர்நீதிமன்றத்தின் கூடுதல் நீதிபதியாக நியமிக்கப்பட்ட இவர், 2019-ஆம் ஆண்டில் தெலங்கானா உயர்நீதிமன்ற நீதிபதியாக பதவி வகித்தார். அதைத் தொடர்ந்து ஹிமாசல பிரதேச உயர்நீதிமன்ற தலைமை நீதிபதியாக பொறுப்பேற்றார். 2019-இல் இருந்து 2023 வரை உச்சநீதிமன்ற நீதிபதியாக பதவி வகித்தார்.