நிதீஷ் குமாருக்கு ஆர்ஜேடி மீண்டும் அழைப்பு

பாஜகவுடனான கூட்டணியை முறித்துக் கொள்ள முடிவு செய்தால், முதல்வர் நிதீஷ் குமார் தலைமையிலான ஐக்கிய ஜனதா தளத்துடன் மீண்டும் இணையத் தயார் என ராஷ்ட்ரீய ஜனதா தளம் (ஆர்ஜேடி) எம்எல்ஏ பாய் வீரேந்திரா தெரிவித்துள்ளார்.

பிகாரில் முதல்வர் நிதீஷ் குமார் தலைமையிலான ஐக்கிய ஜனதா தளம், பாஜக உள்ளிட்ட கட்சிகள் அடங்கிய கூட்டணி ஆட்சியில் உள்ளது. ஆர்ஜேடி தலைமையிலான கூட்டணி எதிர்க்கட்சியாக உள்ளது. அடுத்த ஆண்டு மாநிலத்தில் பேரவைத் தேர்தல் நடைபெறவுள்ள நிலையில், முதல்வர் வேட்பாளர் குறித்து கலந்து பேசி முடிவெடுக்கப்படும் என அண்மையில் அமித் ஷா பேசியது மாநிலத்தில் அரசியல் பரபரப்பை ஏற்படுத்தியுள்ளது.