சட்டம்-ஒழுங்கில் சமரசத்துக்கு இடமில்லை: தெலங்கானா முதல்வர் திட்டவட்டம்

சட்டம்-ஒழுங்கு விவகாரத்தில் சமரசத்துக்கு இடமில்லை என்று தெலுங்கு திரைப்பட பிரதிநிதிகள் குழுவினரிடம் தெலங்கானா முதல்வர் ரேவந்த் ரெட்டி திட்டவட்டமாகக் கூறியுள்ளார்.

ஹைதராபாத்தில் உள்ள சந்தியா திரையரங்கில் அண்மையில் புஷ்பா-2 திரைப்படத்தின் சிறப்புக் காட்சியின்போது நடிகர் அல்லு அர்ஜுன் நேரில் வந்ததால் கூட்ட நெரிசல் ஏற்பட்டது. இதில் 25 வயதுடைய பெண் ஒருவர் இறந்தார். அவரது மகன் படுகாயம் அடைந்து மருத்துவமனையில் சிகிச்சை பெற்று வருகிறார். இது தொடர்பான வழக்கில் அல்லு அர்ஜுன் கைது செய்யப்பட்டு, பின்னர் ஜாமீனில் வெளியே வந்தார்.

திரைப்படத் தயாரிப்பாளரும் தெலங்கானா திரைப்பட வளர்ச்சிக் கழகத்தின் தலைவருமான தில் ராஜு எனப்படும் வெங்கடரமண ரெட்டி தலைமையிலான திரைத்துறை பிரதிநிதிகள், முதல்வர் ரேவந்த் ரெட்டியை வியாழக்கிழமை சந்தித்துப் பேசினர். அவர்களிடம் முதல்வர் கூறியதாவது: