தவறான பிம்பத்தை ஏற்படுத்தும் பஞ்சாப் அரசு: உச்சநீதிமன்றம் காட்டம்

விவசாயிகள் சங்கத் தலைவர் ஜக்ஜீத் சிங் தலேவாலின் காலவரையற்ற உண்ணாவிரதத்தை முடிவுக்குக் கொண்டுவர மேற்கொள்ளப்படும் முயற்சிகள் மீது தவறான பிம்பத்தை பஞ்சாப் மாநில அரசும், சில விவசாயிகள் சங்கத் தலைவர்களும் ஏற்படுத்தி வருகின்றனர் என்று உச்சநீதிமன்றம் குற்றஞ்சாட்டியது.

மேலும், 'தலேவாலின் உண் ணாவிரதப்போராட்டத்தை முடி வுக்குக் கொண்டு வருமாறு உச்ச நீதிமன்றம் ஒருபோதும் உத்தரவு பிறப்பிக்கவில்லை; மாறாக, உடல் நிலை மோசமடைந்து வரும் அவ ருக்கு அவசர மருத்துவ உதவி வழங்கப்பட வேண்டும் என்ற உத் தரவுதான் பிறப்பிக்கப்பட்டது' என்றும் நீதிபதிகள் சூர்ய காந்த், உஜ்ஜல் புயான் ஆகியோர் அடங் கிய உச்சநீதிமன்ற அமர்வு வியா ழக்கிழமை தெளிவுபடுத்தியது.

விளை பொருள்களுக்கான குறைந்தபட்ச ஆதரவு விலைக்கு சட்டபூர்வ அங்கீகாரம் உள்ளிட்ட கோரிக்கைகளை வலியுறுத்தி பஞ்சாப் மாநில விவசாயிகள் பல்வேறு கட்ட போராட்டங்களை நடத்தி வருகின்றனர். தில்லியை நோக்கி அவர்கள் மேற்கொண்ட பேரணியை போலீஸார் தடுத்து நிறுத்தியதால் பஞ்சாப் எல்லையான கனெளரி பகுதியில் முகாமிட்டுள்ளனர்.

மேலும், தங்களின் கோரிக்கைகளை வலியுறுத்தி பஞ்சாப் மாநிலத்தில் 9 மணி நேர முழு அடைப்புப் போராட்டத்தை விவசாயிகள் திங்கள்கிழமை மேற்கொண்டனர். அதன் காரணமாக, மக்களின் இயல்பு வாழ்க்கை கடுமையாக பாதிக்கப்பட்டது.

இதனிடையே, தங்களின் கோரிக்கைகளை நிறைவேற்ற வலியுறுத்தி விவசாயிகள் சங்கத் தலைவர் ஜக்ஜீத் சிங் தலேவால் (70) கனெளரிபகுதியில் காலவரையற்ற உண்ணாவிரதப் போராட்டத்தில் ஈடுபட்டுள்ளார். அவருடைய உண்ணாவிரதம் 39 நாள்களைக் கடந்துள்ளது.