అది సైనిక దండయాత్ర

అది సైనిక దండయాత్ర

సెప్టెంబర్ 17 వ తేదీ మారణ హోమ దినం

ఏడో నిజాం పాలనలో ప్రజలు సంతోషంగా ఉన్నారు

హైదరాబాద్ రూపు రేఖలు మార్చిన ఘనత ఆయనదే

నేటి ప్రధాన భవనాలు ఉస్మాన్ అలీఖాన్ నిర్మించినవే

దిశతో ఆయన మనుమడు నవాబు నజాఫ్ అలీఖాన్

“ఆపరేషన్ పోలో కాదు.. అది సైనిక దండయాత్ర..! విముక్తి అంటే విదేశీయుల నుంచి పాలన పొందడం. నిజాం విదేశీయుడు కాదు.నిజాం మీర్ ఉస్మాన్ అలీఖాన్ బహదూర్ ఈ గడ్డమీద పుట్టిన బిడ్డే..అందుకే విముక్తి అన్న ప్రశ్నే తలెత్తదు. ఏడో నిజాం రాచరిక పాలన అంతమై ప్రజాస్వామ్యానికి నాంది పలికిందనడమూ సరికాదు. నాటి ఆపరేషన్ పోలో (పోలీస్ యాక్షన్) గాయాలు ఇంకా మానలేదు.వేలాది మంది హైదరాబాద్ రాష్ట్ర ప్రజలను భారత సైన్యం ఊచకోత కోసింది. సెప్టెంబర్ 17 విముక్తి దినం కాదు. మారణహోమ దినం.” అని ఏడో నిజాం నవాబ్ మీర్ ఉస్మాన్ అలీఖాన్ ఐదో కొడుకు నవాబ్ ప్రిన్స్ హషం జా కుమారుడు నవాబ్ నజాఫ్ అలీఖాన్ అభివర్ణించారు.

ఆయన 'దిశ'కు ప్రత్యేక ఇంటర్వ్యూ ఇచ్చారు. ఆ విశేషాలు..!

-కర్నాటి గోపీనాథ్,

దిశ ప్రతినిధి, హైదరాబాద్

ఆపరేషన్ పోలో..! ఆ 4 రోజులు ఏం జరిగింది?

సామాన్యుడు కట్టుకుంటే నవాబు మనసు పడ్డాడు

దిశ: విమోచన.? విముక్తి.. సమైక్యత దీనిపై మీరేమంటారు?

నవాబ్ నజాఫ్ అలీఖాన్: సెప్టెంబర్ 17 విముక్తి దినం కాదు. మారణహోమ దినం. సుందర్ లాల్ కమిటీ నివేదికలో వెల్లడించినట్టుగా హైదరాబాద్ రాష్ట్రంలోని వేలాది మంది ప్రజలను భారత సైన్యం ఊచకోత కోసింది. 'పోలీస్ యాక్షన్'గా చరిత్రలో పేరుపొందిన 'ఆపరేషన్ పోలో' అనేది సైనిక దండయాత్ర’’! ఆ గాయాలు ఇంకా మానలేదు. తెలంగాణలో లిబరేషన్ డే పేరిట చరిత్రను మార్చే కుట్ర జరుగుతున్నది. విముక్తి అంటే విదేశీయుల నుంచి పాలన పొందడం. నిజాం విదేశీయుడు కాదు. ఈ గడ్డమీద పుట్టిన వాడు. ఇక్కడ విముక్తి ప్రశ్నే తలెత్తదు.