રાજ્યની 4 વીજ વિતરણ કંપનીઓને 10મા એન્યુઅલ ઇન્ટીગ્રેટેડ રેટીંગમાં ‘એ’ પ્લસ ગ્રેડ

કુલ 71 વીજ કંપનીઓમાંથી ગુજરાતની દક્ષિણ ગુજરાત વીજકંપની લિ. DGVCL અને મધ્ય ગુજરાત વીજ કંપની લી. MGVCL ને પ્રથમ અને બીજો ક્રમ મળ્યો

રાજ્યમાં પાવર સેક્ટર રિફોર્મ્સ અને ઊર્જા ક્ષેત્રના વધુ સુદ્રઢીકરણ દ્વારા ગુજરાત શ્રેષ્ઠ વીજ વિતરણ વ્યવસ્થામાં રાષ્ટ્રિય સ્તરે પ્રસ્થાપિત થયું છે. ભારત સરકારના ઊર્જા મંત્રાલય દ્વારા હાથ ધરવામાં આવેલા ૧૦મા એન્યુઅલ ઇન્ટીગ્રેટેડ રેટિંગમાં રાજ્ય સરકાર હસ્તકની વીજ વિતરણ કંપનીઓએ ‘એ’ પ્લસ રેટિંગ પ્રાપ્ત કરવાની સિદ્ધિ મેળવી છે. મુખ્યમંત્રી ભૂપેન્દ્ર પટેલે આ અગ્રેસરતા મેળવવા માટે ચારેય વીજ વિતરણ કંપનીઓના કર્મયોગીઓને અભિનંદન પાઠવ્યા છે