അമേരിക്കയിൽ നിന്ന് 36 ഉപഗ്രഹങ്ങൾ ശ്രീഹരിക്കോട്ടയിലെത്തി

കസാക്കിസ്ഥാനിലെ ബൈക്കനൂരിൽ നിന്ന് വിക്ഷേപിക്കാനിരുന്നതാണ് ഇവ

തിരുവനന്തപുരം: ഉപഗ്രഹത്തിൽ നിന്ന് മൊബൈലിലേക്ക് നേരിട്ട് ഇന്റർനെറ്റ് സേവനം നൽകുന്ന ബ്രിട്ടീഷ് കമ്പനിയായ വൺ വെബ്ബിന്റെ 36 ഉപഗ്രഹങ്ങൾ വിക്ഷേപണത്തിനായി ശ്രീഹരിക്കോട്ടയിൽ എത്തി. അമേരിക്കയിൽ നിർമ്മിച്ച ഈ ഉപഗ്രഹങ്ങൾ ഫ്ളോറിഡയിൽ നിന്ന് ആന്റനോവ് എന്ന കൂറ്റൻ റഷ്യൻ ചരക്ക് വിമാനത്തിൽ ആദ്യം ചെന്നൈയിൽ എത്തിച്ചു. തുടർന്ന് വൻ സന്നാഹത്തോടെ ശ്രീഹരിക്കോട്ടയിലേക്ക് കൊണ്ടുപോയി. അടുത്ത മാസം ജി.എസ്.എൽ.വി. റോക്കറ്റിലാണ് വിക്ഷേപണം.