വയനാടിന്റെ ഭാഗമാകുന്നത് വലിയ അംഗീകാരമെന്ന് പ്രിയങ്ക

പത്രിക സമർപ്പണം ഉജ്ജ്വല പ്രകടനമാക്കി

- എൻ എച്ച് സിദ്ദിഖ്

കൽപ്പറ്റ: കന്നിയങ്കത്തിനായി നാമനിർദേശ പത്രിക സമർപ്പിച്ച് കോൺഗ്രസ് നേതാവ് പ്രിയങ്ക ഗാന്ധി. വയനാട് ലോക്സഭാ ഉപതിരഞ്ഞെടുപ്പിൽ യുഡിഎഫ് സ്ഥാനാർത്ഥിയാണ് പ്രിയങ്ക ഗാന്ധി. വരണാധികാരിയായ കളക്ടർക്കാണ് നാമനിർദേശ പത്രിക സമർപ്പിച്ചത്. മൂന്ന് സെറ്റ് പത്രികയാണ് പ്രിയങ്ക സമർപ്പിച്ചത്. സോണിയാ ഗാന്ധിയും മല്ലികാർജുൻ ഖർഗെയും രാഹുൽ ഗാന്ധിയും പ്രിയങ്കയുടെ ഭർത്താവ് റോബർട്ട് വദയും മകൻ റൈഹാനും പ്രിയങ്കയ്ക്കൊപ്പമുണ്ടായിരുന്നു.