അമേരിക്കൻ തിരഞ്ഞെടുപ്പ് ഇന്ന്

നിർണായകമായി 7 സംസ്ഥാനങ്ങൾ

രണ്ടുവട്ടം ട്രംപിനെ ജയിപ്പിച്ച സംസ്ഥാനത്ത് കമലയ്ക്ക് മുൻതൂക്കം

വാഷിങ്ടൺ: യു.എസിന്റെ പുതിയ ഭരണാധികാരിയെ കണ്ടെത്തുന്നതിനുള്ള തിരഞ്ഞെടുപ്പ് ഇന്ന് നടക്കും. ഡെമോക്രാറ്റിക് പാർട്ടിയുടെ സ്ഥാനാർത്ഥി കമലാ ഹാരിസും റിപ്പബ്ലിക്കൻ പാർട്ടിയുടെ ഡൊണാൾഡ് ട്രംപും തമ്മിലാണ് മത്സരം.

ജനകീയവോട്ടിനെക്കാൾ ഇലക്ടറൽ കോളേജ് വോട്ടിനാണ് യു.എസ്. തിരഞ്ഞെടുപ്പിൽ പ്രധാന്യം. 538 അംഗ ഇലക്ടറൽ കോളേജിൽ 270 ആണ് കേവലഭൂരിപക്ഷം.

വോട്ടുറപ്പിക്കാൻ നിർണായകസംസ്ഥാനങ്ങളിൽ ശക്തമായ അവസാനവട്ട പ്രചാരണത്തിലായിരുന്നു ഇരുപാർട്ടികളും.