મુંબઈ આતંકી હુમલા પહેલા તહવ્વુર રાણા પવઈની હોટલમાં રોકાયો હતો

સ્પેશ્યલ કોર્ટમાં મુંબઈ પોલીસે પૂરક ચાર્જશીટ ફાઇલ કરી

26/11ના મુંબઈ આતંકવાદી હુમલાના કેસના આરોપી પાકિસ્તાની મૂળના કેનેડિયન ઉદ્યોગપતિ તહવ્વુર રાણા સામે દાખલ કરવામાં આવેલી પૂરક ચાર્જશીટમાં મુંબઈ પોલીસે જણાવ્યું હતું કે હુમલા પહેલા તે નવેમ્બર 2008માં પવઈની એક હોટલમાં બે દિવસ રોકાયો હતો. મુંબઈ પોલીસની ક્રાઈમ બ્રાન્ચે સોમવારે 400થી વધુ પાનાની ચાર્જશીટ મુંબઈની સ્પેશ્યલ કોર્ટમાં દાખલ કરી હતી. આ કેસમાં અત્યાર સુધીની આ ચોથી ચાર્જશીટ છે. તહવ્વુર રાણા હાલમાં અમેરિકામાં અટકાયત હેઠળ છે અને ભારત તેના પ્રત્યાર્પણ માટેના પ્રયાસો કરી રહ્યું છે.