સુરતમાંથી શંકાસ્પદ નશાકારક સિરપની 2155 બોટલો જપ્ત

તંત્રની કાર્યવાહી: વરાછા, અમરોલી, કતારગામ, સરથાણા વિસ્તારમાં મેડિકલ સ્ટોર્સ, પાનના ગલ્લા તેમજ દુકાનો પર છાપા માર્યા

ખેડામાં નશાકારક આયુર્વેદિક સિરપ પીવાના કારણે પાંચ લોકોના મોત નીપજવાની ઘટના બાદ રાજ્ય પોલીસ હરકતમાં આવી છે. બીજા દિવસે સુરત પોલીસે સુરતના વરાછા, અમરોલી, કતારગામ, સરથાણા વિસ્તાર માં જુદા જુદા સ્થળોએ છાપો મારી 2155 નશાકારક આયુર્વેદિક સિરપનો જથ્થો ઝડપી પાડી જાણવાજોગ ફરિયાદ લઈ તપાસ હાથ ધરી છે. પોલીસ દ્વારા આ સિરપના સેમ્પલ લઇ તપાસ અર્થે એફએસએલમાં મોકલવાની તજવીજ હાથ ધરવામાં આવી છે. કોસ્મેટીક એન્ડ ફૂડ એન્ડ ડ્રગ્સ વિભાગની કલમ 168 મુજબ જો સિ૨૫માં આલ્કોહોલિકનું પ્રમાણ 12% થી વધુ મળી આવશે. તો પ્રોહીબિશન એકટ હેઠળ માર્કેટિંગથી લઈ વેચાણ કરનારા લોકો સામે કાર્યવાહીની તૈયારી સુરત પોલીસે દર્શાવી છે. પોલીસની તપાસમાં આ સિરપનું મેન્યુફેક્ચરિંગ સેલવાસ, દાદરા નગર હવેલી અને આબુ ખાતે થતું હોવાની જાણકારી સામે આવી છે. જ્યારે સિ૨૫ની એજન્સી ધરાવતા ડિસ્ટ્રીબ્યુટરને પણ અટકાયતમાં લઈ વધુ પૂછપરછ હાથ ધરવામાં આવી છે.