આજથી શરૂ થઈ રહેલા સંસદના શિયાળુ સત્રમાં ભાજપ વધુ આક્રમક બનશે

વિપક્ષ કાર્યવાહી ખોરવી નાખશે તો વધુ ખરાબ પરિણામનો સામનો કરવો પડશેઃ પ્રહલાદ જોશી પ્રથમ દિવસે મોઇત્રા અંગેનો રિપોર્ટ રજૂ થશે

ચારમાંથી ત્રણ રાજ્યોની વિધાનસભા ચૂંટણીમાં ભવ્ય વિજય પછી સોમવારથી શરૂ થઈ રહેલા સંસદના શિયાળુ સત્રમાં ભાજપ વધુ આક્રમક બનશે અને કોંગ્રેસની આગેવાની હેઠળના વિપક્ષને ઘેરવાનો પ્રયાસ કરશે. સંસદના આ સત્રમાં TMC સાંસદ મહુઆ મોઇત્રાની હકાલપટ્ટીની ભલામણ કરતો અહેવાલ લોકસભામાં રજૂ કરવામાં આવે તેવી અપેક્ષા છે.

સંસદની અંદર અને ચૂંટણીના મેદાનમાં વડાપ્રધાન નરેન્દ્ર મોદીની આગેવાની હેઠળના ભાજપનો સામનો કરવા માટે નવેસરથી વ્યૂહરચના ઘડવા માટે વિપક્ષી ઇન્ડિયા ગઠબંધનના નેતાઓ સોમવારે સવારે બેઠક યોજશે.