കെജ്രിവാളിന് പടിയിറക്കം

ഡൽഹി മുഖ്യമന്ത്രി അരവിന്ദ് കെജ്രിവാൾ ഇന്ന് രാജിവെക്കും

-  ഹസനുൽ ബന്ന

ന്യൂ ഡൽഹി: ജയിൽ മോചിതനായ ഡൽഹി മുഖ്യമന്ത്രി അരവിന്ദ് കെജ്രിവാൾ ചൊവ്വാഴ്ച വൈകീട്ട് 4.30ന് ഡൽഹി മുഖ്യമന്ത്രി സ്ഥാനം രാജിവെക്കും. രാജിക്കത്ത് ഡൽഹി ലഫ്റ്റനന്റ് ഗവർണർ വി.കെ. സക്സേനക്ക് കൈമാറും. ആം ആദ്മി പാർട്ടി സർക്കാറിന്റെ അവശേഷിക്കുന്ന അഞ്ചുമാ സ കാലയളവിലേക്ക് പുതിയ മുഖ്യമന്ത്രിയെ കണ്ടെത്താൻ തിരക്കിട്ട കൂടിയാലോചനകളാണ് നടന്നത്. രാവിലെ സ്വവസതിയിൽ മുതിർന്ന നേതാക്കളുമായി കൂടിയാലോചന നടത്തിയ കെജ്രിവാൾ വൈകീട്ട് രാഷ്ട്രീയകാര്യ സമിതി യോഗവും വിളിച്ചു. ഇന്ന് രാവിലെ 11മണിക്ക് നടക്കുന്ന നിയമസഭാ കക്ഷി യോഗം പുതിയ മുഖ്യമന്ത്രിയെ ഔപചാരികമായി തെരഞ്ഞെടുക്കും.